متبل الباذنجان


         وصفة : منى                 2007/03/20                 9 تعليقات
متبل الباذنجان


نصف كيلو باذنجان كبير مدعبل
4 ملعقة كبيرة عصير رمان أو عصير الليمون ( أكثر أو أقل حسب الذوق )
4 ملعقة كبيرة طحينة
ملح
رشة كمون
1 فص ثوم مدقوق

للتزيين :

زيت زيتون و حبات رمان و جوز مدقوق خشن
رشة كمون مطحون و بابريكا



• تثقب حبات الباذنجان ثم يشوى على البوتوغاز حتى تصبح لون القشرة سوداء .
• تترك حبات الباذنجان حتى تبرد ثم يجرف لبها بملعقة أو طرف سكين , يرمى القشر و تهرس بالشوكة و بمدقة الثوم .
• يدق الثوم مع الملح ثم يضاف للباذنجان مع الطحينة و عصير الرمان أو الليمون و يقلب ثم يعدل المذاق حسب الرغبة .

• يصب المتبل في صحن التقديم و يزين برشة كمون و بابريكا و زيت الزيتون و حبات الرمان و الجوز .


سر الطبخة :

• يمكن شوي الباذنجان على الفحم للحصول على نكهة الشوي اللذيذة .

• لحفظ المتبل في الفريزر , يشوى الباذنجان و يهرس و يملح ثم يقسم لحصص صغيرة و توضع في أكياس في الفريزر , عند الإستخدام يوضع الباذنجان المهروس على مصفاة دقيقة الثقوب للتخلص من ماءه حتى يذوب الثلج عنه تماماً , ثم يعد بالطريقة السابقة .





  • وصفات تانية ممكن تعجبك


التعليقات

  1. WAFAA 21 May 2008

    بدي اسالك مدام منى

    ضروري يوضع على مصفاة ناعمة جداً لاني بعد مااهرسه بتبله وعلى الاكل على طول :zzz :zzz
    ماكنت بعرف حكاية التصفاية

    طيب هي ضرورية :? :?

  2. منى 21 May 2008

    أنا بحطه على مصفاة لان عيلتي بتحبه متوسط السمك , لما رح أضيف عصير الرمان أو عصير الليمون من دون ما اصفيه حيصير مريق كتير , و فيك طبعا تستغني عن هل الخطوة , بس لو استعملت البانجان المحفوظ بالفريزر هي الخطوة أساسية ;)

  3. zsoukar 31 January 2009

    مرحبا ياست منى. هلق هادا مو اسمه بابا غنوج؟انا بعرف بالمتبل بيحطوا لبن.وشكرا الك على هالاكلات الطيبه

  4. منى 1 February 2009

    هلا فيك أختي :)
    هادا ممكن يكون اسمه بابا غنوج و كمان متيل , بس البابا غنوج معروف اكتر ان فيه خضار , يعني نفس الاسم ممكن يكون للمتبل و كمان بيكون لوصفة تانية فيها بانجان مع خضرة و كتيرر طيب :zzz

  5. larooo 10 April 2010

    ممكن سؤال ؟؟ عصير الرمان أكيد مو نفسه دبس الرمان ما :upset

  6. منى 10 April 2010

    اي لارو , للمتبل استعمل عصير الرمان الحامض لما بيكون وقته , و اذا مو متوفر استعمل عصير الليمون :)

  7. Jassy 22 September 2010

    السلام عليكم

    عم بكتب وأنا تقريبا خلصت من التتبيلة والقلبة الأخيرة بقيت :zzz شي مو معقول شو طيب !

    بالبيت ما كنا نعملو، بس كنا نطلبو بالمطاعم. ولما كنت صغيرة ما كنت حب الباذنجان وخصوصي بهيك “خبيصة” فما كنت دوقو .. ولما كبرت ولقيت حالي بعيدة عن سوريا طبعا كم مرة بس دقتو :roll

    لذلك ما بعرف طعمتو المزبوطة .. لكن “الخبيصة” يلي طلعت معي طيبة كتير كتير كتير :zzz وبخاف ما يضل في شي منها للغدا :grin

    شكرا كتير كتير منوشة خانم ! .. شو مشان سؤال الأخت zsoukra بخصوص إضافة اللبن ؟
    لما كنت اسأل أهلي بصغري “شو هاد” ؟ .. يقلولي : “بيتنجان مع لبن” :x

    والسلام عليكم

  8. Jassy 22 September 2010

    السلام عليكم

    كتبت من شوي رد طويل عريض ولما كبست سيند سكرلي الصفحة :x منوش إذا وصل الرد السابق هاد مالو داعي. كنت كاتبة :) :

    ياي شي ناااااهي، أنا عم بكتبلكون هالرد وعم بعمل القلبة الأخيرة للأكلة ، كتير كتير طيبة بشكل. بخاف أخلصها قبل الغدا :grin أنقذوا الصحن شيلوه من أدامي.

    نحنا ما كنا نعملها بالبيت، بس كنا نطلبها بالمطاعم وأنا كنت صغيرة :roll وما كنت حب البيتنجان لذلك ما كنت آكلها. لكن لما كبرت وصرت بموت بكل شي من البيتنجان لقيت حالي بعيدة عن سوريا، فما صحلي دوق هالطبق غير كم مرة معدودة عالأصابع. لذلك ما بتذكر طعمتو :grin لكن “الخبيصة” يلي طلعت معي طيبة كتير كتير كتير. يسلمو معلمتي منى !

    بس شو مشان سؤال الأخت zsoukar بخصوص إضافة اللبن ؟ :roll لما كنت اسأل أهلي بصغري : “شو هاد؟” كانوا يقلولي: “بيتنجان مع لبن” . :x

    والسلام عليكم :zzz

  9. amoula 10 May 2011

    يسلم ايديكي يارب , من شوي عملته, العيارات بالحرف نظامية , مع انو هون البانجان مو كويس وكله بذر بس طلع طيب وما بين شي , وكان شغل مطاعم بالضبط 8)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)