براونيز بكريما الخمس دقايق السرية
· يدق الثوم بالهاون ثم يضاف الفولو يدق حتى يصبح ناعماً و لكن مع بعض القطع الخشنة .
· تضاف بقية المقادير و يعدل الحمض حسب الرغبة ثم يقدم فوراً .
فكرة سريعة :
يمكن أن يحضر المتبل قبل وقت التقديم بعدة ساعات , تضاف كل المقادير ما عدا الليمون لأنه سيجع الفول يفقد لونه الشهي .
كوب فول أخضر طازج مقشر
2 ملعقة كبيرة زعتر أخضر طازج مفروم
فص ثوم
ملح
رشة كمون
رشة فليلفة حمراء ناعمة
2 – 3 ملعقة كبيرة عصير ليمون
3 - 4 ملعقة كبيرة زيت زيتون
• يدق الثوم بالهاون ثم يضاف الفولو يدق حتى يصبح ناعماً و لكن مع بعض القطع الخشنة .
• تضاف بقية المقادير و يعدل الحمض حسب الرغبة ثم يقدم فوراً .
فكرة سريعة :
يمكن أن يحضر المتبل قبل وقت التقديم بعدة ساعات , تضاف كل المقادير ما عدا الليمون لأنه سيجع الفول يفقد لونه الشهي .
يا سلام على هالفولات شي كتير بيشهي . راح انزل على السوبرماركت بلكي بلاقي فول اخضر وزعتر :sigh
اكيد بتعرفي انو بالسعودية مو دايمن منلاقي هالخضرة التازة
هلا ام جوود
ان شاء الله بتلاقي هل المرة و تجربي الوصفة و تكون على زووءك و متل ما بتحبي
الله يسلم ايديك منى والى الاخت اللي في السعودية اقول انا بالرياض اشتريت فول اخضر نازل بالعثيم وعرض كمان لا تزعلي وانا رح اجيب كمان ان شاء الله منشان هالاكلة ومنشان اعمل برغل بفول لاني والله الخميس جبت الفول ولما جيت ا لجمعة لاعمل البرغل بفول انصدمت ما بقيان عندي برغل وابو الشباب بيوم عطلته ماله نفس يطلع من البيت وخصوصي اني الخميس كان يوم تسوق عالمي المهم عملت ارز بفو ل و سلطات الفول الحلبي والشامي وخيرها بغيرها لسع بدي جرب البرغل بس هاليومين قولة منى هلق موسم هالاكلات اذا راد الله وشكرا منى على فولاتك السورية (الشامية والحلبية)لذيذين واليوم كمان غيرت شكل عن الفول عملت المعكرونة بصلصة البيزا على طريقتك كمان كتير احبوها ولاقت استحسان علما انني للمرة التانية بعيدها وكانهم عباكلوها اول مرة وهم ممنونين من لذتها شكرا منى الله يعططيك العافية :roll
السلام عليكم و رحمة الله و بركاته
شو هالالوان و لا المكسيك :grin
انا يمكن جرب هالوصفة بس مو متأكدة لان بخاف ما ياكلو الفول ني يلا راح منشوف
اختي منى بدي الرز بفول اللي عم تحكي عنه و كمان يا ريت تقوليلنا طريقة تحميص الخبز يعني بس منقطعو مثلثات و ندهنه بالزين من فوق و تحت و نحمصه
لان مو مجربتها من قبل
بالتوفيق
سلام
هلا غيوثة
الف هنا على السلطات , ان شاء الله يكونوا عجبوك و عجبوا الباشا و بقية العيلة و مية الف صحة و هنا على المعكرونة ريتو مطرح ما سرى مرى
ان شاء الله تجربي هل الوصفةو الفول مع البرغل و يعجبوك و يكونوا على زووءك و اكيد بتخبريني
هلا سارونات
بالعكس لشو تخافي :roll في كتير خضرة طعمتها بتجنن و هي خضرا و مو مطبوخة و هي وحدة منهم , تكرم عيونك على الرز بفول أكيد باذن الله رح نزلها مع وصفات هل الربيع و كمان رح نزل الك وصفة الخبز بالتفصيل :zzz
سلم ايدكي منى00 والله طلع هالفول مو قليل ابدا وبينعمل فيه وصفات اشكال وألوان00 :zzz
منى ياليت تنزليلنا وصفة الشوكي بلحمه جاي عبالي ساويها وبما انه هلأ موسمها الله يعطيكي العافيه
بس لاتطولي كتير لاني بعد 20 يوم ان شاء الله بكون بسوريا بدي ساويها لزوجي قبل ماسافر :roll
الله يعينك علي بعرف طلباتي كتير بس مالنا غنى عنك ولا عن اكلاتك اللي منشم ريحتها على بعد 3000 كيلو متر00
ثانكس يااحلى منى بالدنيا
هلا سلوفة
تكرم هل العيون و الله كل فكري منزلة الوصفة :roll
و لا يهمك أختي و ان شاء الله بتوصلي بالسلامة انت و كل عيلتك :zzz
كيفك اخت منى
كل عام وانت بالف خير
منى بدي اطلب منك طلب
عندي عقدة بطبخ رز بالفول لانو الفول بيسود ومنظر الطبخة ما بشهي وبالعادة كل مشكلة طبخية بركض فورا عالموقع بس مالقيت الطبخة
بدي خبرتك بهالموضوع يخليلي ياكي لاني حابة اطبخو بكرة
والله يعينك علي
هلا كراميلا
لا تزعلي مني لان اتاخرت بالرد عليك :roll , حقك علي
هلا انا بما بدي اطبخ الفول فورا بس ما قطعته بحطه على النار , بس هي الاكلة بطبخها مع لحمة و مرقه .
اما الرز بفول فاستعمل بس قلب الفول و هادا رح يسود على الطبخ ما في مجال لو شو ما عملتي .
اما اذا حابة يبقى الفول بلونه الاخضر الحلو ففيكي تستعملي بس اللب و هادا رح يبقى محافظ على لونه الحلو
طريقتي كتير سهلة , ااقلب مكعبات لحمة مسلوقة بالسمنة و بعدها اضيف الفول و اقلبه شي 10 دقايق لحتى يستوي و بعدها بغمرهم بمرق سلق اللحمة و اركز الملح و البهار و اضيف رشة قرفة و هال و اتركه لحتى يستوي الرز
يا ترى هادا هو الي عم تقصديه و الا في شي تاني ؟