مربى الدراق


         وصفة : منى                 2008/09/05                 33 تعليقات
مربى الدراق

·          تختار حبات الدراق القاسية و الغير ناضجة, تقشر و تنزع البذرة ثم تقطع لأرباع و بقسم كل ربع لقسميين .

·          يوضع الدراق المجهز و السكر في وعاء بالتناوب على شكل طبقات و يترك طول الليل حتى يخرج عصيره الطبيعي .

·          في اليوم التالي , ترفع حبات الدراق من العصير باستخدام ملعقة ذات ثقوب ثم يغلى العصير و السكر حتى يذوب كل السكر و يصبح الشراب ثقيلاً نوعا ما .

·          تقشر حبة الليمون بحيث نستخرج الجزء الأصفر من قشرتها من دون اللب الأبيض الذي يحتوي على المرار .

·          ترجع حبات الدراق مع قشرة الليمونة الصفراء للشراب و تغلى لمدة 10 دقائق و يضاف ملعقة صغيرة من عصير الليمون بأخر دقيقة .

·          ترفع قشرة الليمون و يتم التخلص منها ثم يصب المربى في مراطبين زجاجية و يحفظ في الفريزر و يمكن أن يقدم مع الزبدة و التوست أو حسب الرغبة .

 




كيلو دراق ( 4 حبات كبيرة )
ثلاث أرباع كيلو سكر ( 3 كوب سكر )
ليمونة





• تختار حبات الدراق القاسية و الغير ناضجة, تقشر و تنزع البذرة ثم تقطع لأرباع و بقسم كل ربع لقسميين .
• يوضع الدراق المجهز و السكر في وعاء بالتناوب على شكل طبقات و يترك طول الليل حتى يخرج عصيره الطبيعي .
• في اليوم التالي , ترفع حبات الدراق من العصير باستخدام ملعقة ذات ثقوب ثم يغلى العصير و السكر حتى يذوب كل السكر و يصبح الشراب ثقيلاً نوعا ما .

• تقشر حبة الليمون بحيث نستخرج الجزء الأصفر من قشرتها من دون اللب الأبيض الذي يحتوي على المرار .

• ترجع حبات الدراق مع قشرة الليمونة الصفراء للشراب و تغلى لمدة 10 دقائق و يضاف ملعقة صغيرة من عصير الليمون بأخر دقيقة .
• ترفع قشرة الليمون و يتم التخلص منها ثم يصب المربى في مراطبين زجاجية و يحفظ في الفريزر و يمكن أن يقدم مع الزبدة و التوست أو حسب الرغبة .
  • وصفات تانية ممكن تعجبك


التعليقات

  1. muna.g.7 5 September 2008

    الله اعلم الله اعلم ياست الستات يا منى هذا قرع اصفر يقطين مطبوخ بالقطر

  2. muna.g.7 5 September 2008

    الله اعلم انها قرع اصفر يقطين مطبوخ بالقطر من ايدين الفنانه منى

  3. Iman 5 September 2008

    وااااااااو منىىىىىىىىى ارحمينا شو هادا منى هلكتينا على هالمنظر. مش معقوووووول. شكلو كانو مربى شي. بس لما قلتي ريحتو حلو قلت يمكن يكون شي كلاج محشي و مقلي و عليه قطر? بس الالوان مش طبيعيه. و الصحن اللي وراه جايب المنظر كمان. بتعرفي شو ما يكون المهم شكلو بيعقد و الوانه خياليه. هههه يسلمو ايديكي و صحتين على قلوبكم. :zzz

  4. basema 5 September 2008

    Your puzzle is getting harder and harder :x

    I guess its pumpkin jam
    (Moraba Al-yakteen)!!!

  5. Eman 5 September 2008

    هل هو نوع من أنواع الحلويات؟ :roll
    هل هو من الفواكه؟ :roll
    هل هو دراق؟ :roll
    ما بعرف هاد اللي طلع معي ،بقى ما هو هذا الشيء؟ :x

  6. ام ناصر 6 September 2008

    شكله مربى مشمش

  7. سارونات 6 September 2008

    السلام عليكم و رحمة الله و بركاته

    رمضان كريم و تقبل الله صيامكم و قيامكم
    هالمرة عن جد صعبة بس راح حاول هي فاكهة اكيد و فاكهة من الحجم الكبير انا بقول مربى الدراق هاد هو الاحتمال الوحيد اللي طلع معي
    راح انطر و شوف شو هي الوصفة و عفكره شكلها كتير حلو
    بالتوفيق
    سلام

  8. نوارة 6 September 2008

    ميمو هادا مو مربى كباد؟
    مممم ذكرتيني باخي محمد كان كتير يحبو الله يذكرو بالخير
    شومربى كباد ولا شو ؟

  9. أم الليث 6 September 2008

    يمكن مربى المشمش أو مربى النارنج :x :x

  10. لارا مينا 6 September 2008

    مساء الخير للجميع وكل رمضان وإنتو بسعادة وسرور…أتوقع عجينة محشية و مطبوخة بقطر ومربى مع شوي زعفران وشكرا على اللعبة الحلوة والله خلتنا نفكر ونركز على كل تفاصيل الصورة وصار شكلي بيضحك وأنا ملزقة وجهي بشاشة الكمبيوتر يعني كأن الجواب رح يطلعلي.

  11. ام نور 7 September 2008

    انا كتير محتارة شكلا مربى اليقطين او المشمش

  12. Eman 8 September 2008

    هيييييه :zzz أنا أول وحدة حزرت !
    يالله ناوليني هالصحن لأتحلى فيه ،معلش ابعتيلي ياه بالDHL،وقبلانة فيه كجائزة :grin
    ها لا حدا يقول أنا عرفت كمان ،اللي بيسبق بياكل بندق ;)

  13. منى 8 September 2008

    و الله يا امولة انت اول واحدة جبتيها , و يا ستي خلص هل الصحن لعندك بغمضة عين , ان شاء الله ما يطير على الطريق :grin

  14. سارونات 8 September 2008

    السلام عليكم و رحمة الله و بركاته
    جازاك الله خيرا اختي منى
    و ان شاء الله بساويه شي يوم بس راح قطعو قطع اصغر
    اختي منى بدي منك طلب ازا فيكي بدي طريقة مربى العنب ضروري بهاليومين ازا بتقدري تكتبيهاهون او تبعتيهالي و ربنا يجازيك كل خير
    بالتوفيق
    سلام

  15. منى 8 September 2008

    هلا أختي :)
    ان شاء الله تجربيه و يعجبك , أختي المربى الي طلبتيه ما عاملته , رح اسال عن طريقته و اذا شفت وصفة عجبتني ان شاء الله بحضرها و بنزلها ;)

  16. Eman 8 September 2008

    سبحان الله ،زوجي جاب لي دراق ومكتر ،فقلت إذا كانت الوصفة دراق رح أعملها ،والحمد طلع ظني بمحله.. ;)
    بس الحبات اللي عندي مستوية ،ومو كأن كميةالدراق قليلة والسكر كتير؟؟

  17. منى 8 September 2008

    هلا أمولة :)
    ما بيصير يكون الدراق مستوي و الا بيصير المربى طري و مو طيب , و السكر مو كتير , بالوصفة الي اتعلمتها كان مقدار السكر نفس الدراق يعني كيلو بكيلو , بس انا نقصته و حضرته هيك ;)

  18. سارونات 10 September 2008

    السلام عليكم و رحمة الله و بركاته
    جازاك الله خيرا اختي منى
    بالتوفيق
    سلام

  19. منى 10 September 2008

    مية هلا أختي :)

  20. سمسمة 11 September 2008

    مرحبا منى من يومين رجعت من الشام وماصدقت ايمتى أوصل وأفتح النت لأن بالشام النت بطئ كتير أشتقتلك كتير وأشتقت لآكلاتك اللذيذة بالنسبة لمربى الدراق كتير طيب أنا بساوي نفس طريقتك بس القطع مربعات صغيرة أسهل بالأكل

  21. منى 12 September 2008

    هلا سمسمة بعد زماان :) الحمد لله على السلامة و انا اشتقت الك كتير و فاقدة طلتك , الحمد لله المانع خير ;)

    فكرة كمان ان تكون القطع صغيرة أكيدة رح تكون أسهل , ألف شكر على الفكرة المفيدة و لا بقى طولي الغيبة ;)

  22. سارونات 16 September 2008

    السلام عليكم و رحمة الله و بركاته
    :cry :cry :cry :cry :cry :cry :cry قال شو كان بدي ساويلك مفاجأة و ساويه من دون ما ازعجك باسئلتي و امبارحه بالليل قشرتو و قطعتو و جهزتو و حطيتو مع السكر و غطيتو لحتى ساويه اليوم و على فكرة قبل ما حط العصير اللي فيه السكر على النار كان لونو احمر باهت المهم حطيتو على النار و اتبعت الخطوات و انا ملاحظة ان لون الشراب احمر و مستغربة يا ترى ليش :? لان بعتقد عندك ما طلع احمر المهم بعد ان انتهت الفترة المحددةلقيت انو قطع الدراق ما دابت متل ما لازم و ظلت قاسية شوي فزودت النار و خليتو يغلي و يغلي و يغلي و عم حك و شوف و هيك ظل لاكتر من نص ساعة و لونو طلع غامق و يادوب حطيتو بالمرطبان و صار يجمد و يجمد يعني جمد تماما و فشلت فشلا ذريعا و شوهت الوصفة :cry :cry و ضاعت المفاجأة
    بالتوفيق
    سلام

  23. منى 16 September 2008

    هلا سارونات :)
    زعلت كتير علىالي صار معك بس ما فهمت سببه , هلا اللون مو مشكلة لان إذا كان قلب الدراق عندك أحمر كتير رح يعطييه هل اللون الأحمر الحلو , بس الدراق رقيق و المفروض أنه ما ياخد كل هل الوقت , المهم هلأ المشكلة أنه جامد كتير و هي ممكن تحليها بانك ترجعي المربى على النار مع شوية مي و تغليه شوي لحتى يرجع يصير بالقوام المناسب , و مشكلة اللون ما بقى تنحل , المفروض المربى ينطبخ على نار هادية لحتى يبقى لونه مشقرق ..

    زعلت على الي صار بس خيرها بغيرها و هلأ لحقيني على تارت الجوز ;)

  24. Eman 22 September 2008

    على نار هادية ! ما لي خبر :upset
    إنو من حظي وقت اللي عملته كان الموقع مسكر ،واللي صار معي عكس سارونات،حسيت المربى قوامه سائل مو ماسك شوي متل المربى العاي ،ومع ذلك حطيته بالمطربان ،قلت بلا ما أنزعه ورح خليه،وصراحة لسه ما دقته لأني ما حسيته المربى المطلوب ،وأنا عملت متل ما قلت بس 5 دقائق على النار ،يا ترى وين الغلط؟ :x

  25. Eman 22 September 2008

    صحي منوشة ،بتعرفيلي طريقة مربى القرع كيف؟؟

    هلأ صار وقت الهاليوين ،والقرع منظره بشهي ،لذلك عم فكر جبلي وحدة أعملها مربى ،من قبل سألت وقالولي جيبي جبس ،وصراحة ما بعرف من وين بنجاب وشو اسمه هون ، فيا ريت تقوليلي على الطريقة لصنع مربى قرع مقرمش.. :p

  26. منى 22 September 2008

    انا كاتبة 8 – 10 دقايق أمونة , و إذا كان مريق مو مشكلة ,بترفعي الدراق من القطر و بترجعي تغلي القطر لحتى يصير متل ما بدك , بعدها بترجعي الدراق و دقيقة مع القطر على النار , بس رح يكون طيب حتى لو مريق ;)

    مربة القرع بده كلس و شغلته مو صعبة , باذن الله ناوية نزله , بس ان شاء الله يصير اله وقت لأن بهل الزركة و رمضان و العيد و المدارس :upset , وعد رح حاول نزله

  27. Eman 23 September 2008

    أنا خليته يغلي 10 دقائق وطفيت عليه وبعدما برد لقيته مريق ،رجعت غليته وبرد رجعت لقيته مريق لذلك مليت ،وبطلت اغليه خفت ينزل الدراق من كتر الغلي.. :upset

    إي مو مشكلة حبيبتي ميمي ، وأنا هيك رأيي ،هلأ ما في وقت ،حتى أنا عندي نقلة وشغل ودراسة وسفر ،أوووووف الشغل ما بخلص..
    :(

  28. منى 23 September 2008

    منيح وقفتي غلي , عرفت وين المشكلة , الغلط انك أضفتي الدراق و كان القطر مو سميك بشكل كافي لهيك ما بقى يسمك , يلا بس مشكلة الها حل على فكرة فيك تحطي قطع الدراق مع شوية من القطر و هو مريق مع شوية لبنة بتصير متل اليوغرت الي بالفواكهة ;) بيجنن

    موفقة بالدراسة و النقلة و الشغل و السفر و ان شاء الله ميسرة كل امورك

  29. Eman 23 September 2008

    فعلا فكرة حلوة :zzz
    مضبوط أنا قللت السكر ،قال يعني أخف مشان ما يطلع حلو :grin

    لكن رح أستخدمه بطريقته وجربه ،أكيد النتيجة روعة لأنها منك..

  30. منى 23 September 2008

    بقى هيك , كنت احكي من الأول ما كنت عزبت حالي بالتفكير شووو الغلط :grin , ان شاء الله تجربي اليوغرت و تحبيه

  31. زهرة البيلسان 18 May 2012

    يا عيني على هالشكل اللي بيفتح النفس الله يسلم هالايدين

  32. نور من قبرص 16 January 2014

    صفحة المربيات بتاخد العقل منى وبتنزع الريجيم,شكرا على كل شي بتبدعه اناملك الذهبية

    • منى 19 May 2014

      بمووت ع المربيات التغيير شكل و كل فواكهة بحب اعمل فيها مربى :)
      شكرا الك نور منورة و الله

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)