براونيز بكريما الخمس دقايق السرية
· تختار حبات الدراق القاسية و الغير ناضجة, تقشر و تنزع البذرة ثم تقطع لأرباع و بقسم كل ربع لقسميين .
· يوضع الدراق المجهز و السكر في وعاء بالتناوب على شكل طبقات و يترك طول الليل حتى يخرج عصيره الطبيعي .
· في اليوم التالي , ترفع حبات الدراق من العصير باستخدام ملعقة ذات ثقوب ثم يغلى العصير و السكر حتى يذوب كل السكر و يصبح الشراب ثقيلاً نوعا ما .
· تقشر حبة الليمون بحيث نستخرج الجزء الأصفر من قشرتها من دون اللب الأبيض الذي يحتوي على المرار .
· ترجع حبات الدراق مع قشرة الليمونة الصفراء للشراب و تغلى لمدة 10 دقائق و يضاف ملعقة صغيرة من عصير الليمون بأخر دقيقة .
· ترفع قشرة الليمون و يتم التخلص منها ثم يصب المربى في مراطبين زجاجية و يحفظ في الفريزر و يمكن أن يقدم مع الزبدة و التوست أو حسب الرغبة .
كيلو دراق ( 4 حبات كبيرة )
ثلاث أرباع كيلو سكر ( 3 كوب سكر )
ليمونة
• تختار حبات الدراق القاسية و الغير ناضجة, تقشر و تنزع البذرة ثم تقطع لأرباع و بقسم كل ربع لقسميين .
• يوضع الدراق المجهز و السكر في وعاء بالتناوب على شكل طبقات و يترك طول الليل حتى يخرج عصيره الطبيعي .
• في اليوم التالي , ترفع حبات الدراق من العصير باستخدام ملعقة ذات ثقوب ثم يغلى العصير و السكر حتى يذوب كل السكر و يصبح الشراب ثقيلاً نوعا ما .
• تقشر حبة الليمون بحيث نستخرج الجزء الأصفر من قشرتها من دون اللب الأبيض الذي يحتوي على المرار .
• ترجع حبات الدراق مع قشرة الليمونة الصفراء للشراب و تغلى لمدة 10 دقائق و يضاف ملعقة صغيرة من عصير الليمون بأخر دقيقة .
• ترفع قشرة الليمون و يتم التخلص منها ثم يصب المربى في مراطبين زجاجية و يحفظ في الفريزر و يمكن أن يقدم مع الزبدة و التوست أو حسب الرغبة .
الله اعلم الله اعلم ياست الستات يا منى هذا قرع اصفر يقطين مطبوخ بالقطر
الله اعلم انها قرع اصفر يقطين مطبوخ بالقطر من ايدين الفنانه منى
وااااااااو منىىىىىىىىى ارحمينا شو هادا منى هلكتينا على هالمنظر. مش معقوووووول. شكلو كانو مربى شي. بس لما قلتي ريحتو حلو قلت يمكن يكون شي كلاج محشي و مقلي و عليه قطر? بس الالوان مش طبيعيه. و الصحن اللي وراه جايب المنظر كمان. بتعرفي شو ما يكون المهم شكلو بيعقد و الوانه خياليه. هههه يسلمو ايديكي و صحتين على قلوبكم. :zzz
Your puzzle is getting harder and harder
I guess its pumpkin jam
(Moraba Al-yakteen)!!!
هل هو نوع من أنواع الحلويات؟ :roll
هل هو من الفواكه؟ :roll
هل هو دراق؟ :roll
ما بعرف هاد اللي طلع معي ،بقى ما هو هذا الشيء؟
شكله مربى مشمش
السلام عليكم و رحمة الله و بركاته
رمضان كريم و تقبل الله صيامكم و قيامكم
هالمرة عن جد صعبة بس راح حاول هي فاكهة اكيد و فاكهة من الحجم الكبير انا بقول مربى الدراق هاد هو الاحتمال الوحيد اللي طلع معي
راح انطر و شوف شو هي الوصفة و عفكره شكلها كتير حلو
بالتوفيق
سلام
ميمو هادا مو مربى كباد؟
مممم ذكرتيني باخي محمد كان كتير يحبو الله يذكرو بالخير
شومربى كباد ولا شو ؟
يمكن مربى المشمش أو مربى النارنج
مساء الخير للجميع وكل رمضان وإنتو بسعادة وسرور…أتوقع عجينة محشية و مطبوخة بقطر ومربى مع شوي زعفران وشكرا على اللعبة الحلوة والله خلتنا نفكر ونركز على كل تفاصيل الصورة وصار شكلي بيضحك وأنا ملزقة وجهي بشاشة الكمبيوتر يعني كأن الجواب رح يطلعلي.
انا كتير محتارة شكلا مربى اليقطين او المشمش
هيييييه :zzz أنا أول وحدة حزرت !
يالله ناوليني هالصحن لأتحلى فيه ،معلش ابعتيلي ياه بالDHL،وقبلانة فيه كجائزة :grin
ها لا حدا يقول أنا عرفت كمان ،اللي بيسبق بياكل بندق
و الله يا امولة انت اول واحدة جبتيها , و يا ستي خلص هل الصحن لعندك بغمضة عين , ان شاء الله ما يطير على الطريق :grin
السلام عليكم و رحمة الله و بركاته
جازاك الله خيرا اختي منى
و ان شاء الله بساويه شي يوم بس راح قطعو قطع اصغر
اختي منى بدي منك طلب ازا فيكي بدي طريقة مربى العنب ضروري بهاليومين ازا بتقدري تكتبيهاهون او تبعتيهالي و ربنا يجازيك كل خير
بالتوفيق
سلام
هلا أختي
ان شاء الله تجربيه و يعجبك , أختي المربى الي طلبتيه ما عاملته , رح اسال عن طريقته و اذا شفت وصفة عجبتني ان شاء الله بحضرها و بنزلها
سبحان الله ،زوجي جاب لي دراق ومكتر ،فقلت إذا كانت الوصفة دراق رح أعملها ،والحمد طلع ظني بمحله..
بس الحبات اللي عندي مستوية ،ومو كأن كميةالدراق قليلة والسكر كتير؟؟
هلا أمولة
ما بيصير يكون الدراق مستوي و الا بيصير المربى طري و مو طيب , و السكر مو كتير , بالوصفة الي اتعلمتها كان مقدار السكر نفس الدراق يعني كيلو بكيلو , بس انا نقصته و حضرته هيك
السلام عليكم و رحمة الله و بركاته
جازاك الله خيرا اختي منى
بالتوفيق
سلام
مية هلا أختي
مرحبا منى من يومين رجعت من الشام وماصدقت ايمتى أوصل وأفتح النت لأن بالشام النت بطئ كتير أشتقتلك كتير وأشتقت لآكلاتك اللذيذة بالنسبة لمربى الدراق كتير طيب أنا بساوي نفس طريقتك بس القطع مربعات صغيرة أسهل بالأكل
هلا سمسمة بعد زماان
الحمد لله على السلامة و انا اشتقت الك كتير و فاقدة طلتك , الحمد لله المانع خير 
فكرة كمان ان تكون القطع صغيرة أكيدة رح تكون أسهل , ألف شكر على الفكرة المفيدة و لا بقى طولي الغيبة
السلام عليكم و رحمة الله و بركاته
لان بعتقد عندك ما طلع احمر المهم بعد ان انتهت الفترة المحددةلقيت انو قطع الدراق ما دابت متل ما لازم و ظلت قاسية شوي فزودت النار و خليتو يغلي و يغلي و يغلي و عم حك و شوف و هيك ظل لاكتر من نص ساعة و لونو طلع غامق و يادوب حطيتو بالمرطبان و صار يجمد و يجمد يعني جمد تماما و فشلت فشلا ذريعا و شوهت الوصفة :cry :cry و ضاعت المفاجأة
:cry :cry :cry :cry :cry :cry :cry قال شو كان بدي ساويلك مفاجأة و ساويه من دون ما ازعجك باسئلتي و امبارحه بالليل قشرتو و قطعتو و جهزتو و حطيتو مع السكر و غطيتو لحتى ساويه اليوم و على فكرة قبل ما حط العصير اللي فيه السكر على النار كان لونو احمر باهت المهم حطيتو على النار و اتبعت الخطوات و انا ملاحظة ان لون الشراب احمر و مستغربة يا ترى ليش
بالتوفيق
سلام
هلا سارونات
زعلت كتير علىالي صار معك بس ما فهمت سببه , هلا اللون مو مشكلة لان إذا كان قلب الدراق عندك أحمر كتير رح يعطييه هل اللون الأحمر الحلو , بس الدراق رقيق و المفروض أنه ما ياخد كل هل الوقت , المهم هلأ المشكلة أنه جامد كتير و هي ممكن تحليها بانك ترجعي المربى على النار مع شوية مي و تغليه شوي لحتى يرجع يصير بالقوام المناسب , و مشكلة اللون ما بقى تنحل , المفروض المربى ينطبخ على نار هادية لحتى يبقى لونه مشقرق ..
زعلت على الي صار بس خيرها بغيرها و هلأ لحقيني على تارت الجوز
على نار هادية ! ما لي خبر :upset
إنو من حظي وقت اللي عملته كان الموقع مسكر ،واللي صار معي عكس سارونات،حسيت المربى قوامه سائل مو ماسك شوي متل المربى العاي ،ومع ذلك حطيته بالمطربان ،قلت بلا ما أنزعه ورح خليه،وصراحة لسه ما دقته لأني ما حسيته المربى المطلوب ،وأنا عملت متل ما قلت بس 5 دقائق على النار ،يا ترى وين الغلط؟
صحي منوشة ،بتعرفيلي طريقة مربى القرع كيف؟؟
هلأ صار وقت الهاليوين ،والقرع منظره بشهي ،لذلك عم فكر جبلي وحدة أعملها مربى ،من قبل سألت وقالولي جيبي جبس ،وصراحة ما بعرف من وين بنجاب وشو اسمه هون ، فيا ريت تقوليلي على الطريقة لصنع مربى قرع مقرمش.. :p
انا كاتبة 8 – 10 دقايق أمونة , و إذا كان مريق مو مشكلة ,بترفعي الدراق من القطر و بترجعي تغلي القطر لحتى يصير متل ما بدك , بعدها بترجعي الدراق و دقيقة مع القطر على النار , بس رح يكون طيب حتى لو مريق
مربة القرع بده كلس و شغلته مو صعبة , باذن الله ناوية نزله , بس ان شاء الله يصير اله وقت لأن بهل الزركة و رمضان و العيد و المدارس :upset , وعد رح حاول نزله
أنا خليته يغلي 10 دقائق وطفيت عليه وبعدما برد لقيته مريق ،رجعت غليته وبرد رجعت لقيته مريق لذلك مليت ،وبطلت اغليه خفت ينزل الدراق من كتر الغلي.. :upset
إي مو مشكلة حبيبتي ميمي ، وأنا هيك رأيي ،هلأ ما في وقت ،حتى أنا عندي نقلة وشغل ودراسة وسفر ،أوووووف الشغل ما بخلص..
منيح وقفتي غلي , عرفت وين المشكلة , الغلط انك أضفتي الدراق و كان القطر مو سميك بشكل كافي لهيك ما بقى يسمك , يلا بس مشكلة الها حل على فكرة فيك تحطي قطع الدراق مع شوية من القطر و هو مريق مع شوية لبنة بتصير متل اليوغرت الي بالفواكهة
بيجنن
موفقة بالدراسة و النقلة و الشغل و السفر و ان شاء الله ميسرة كل امورك
فعلا فكرة حلوة :zzz
مضبوط أنا قللت السكر ،قال يعني أخف مشان ما يطلع حلو :grin
لكن رح أستخدمه بطريقته وجربه ،أكيد النتيجة روعة لأنها منك..
بقى هيك , كنت احكي من الأول ما كنت عزبت حالي بالتفكير شووو الغلط :grin , ان شاء الله تجربي اليوغرت و تحبيه
يا عيني على هالشكل اللي بيفتح النفس الله يسلم هالايدين
صفحة المربيات بتاخد العقل منى وبتنزع الريجيم,شكرا على كل شي بتبدعه اناملك الذهبية
بمووت ع المربيات التغيير شكل و كل فواكهة بحب اعمل فيها مربى
شكرا الك نور منورة و الله