براونيز بكريما الخمس دقايق السرية
· تقسم حبات المشمش لنصفيين باستخدام سكين و يتم نزع النوى , يمكن أن تكسر النوى و الاستفادة من حبات اللوز الموجودة داخلها .
· يخلط السكر و المشمش في قدر و تقلب الفاكهة و السكر بلطف .
· تترك الفاكهة حتى تخرج عصيرها , لمدة 4 ساعات و يمكن تركها طوال الليل .
· يرفع القدر على نار متوسطة و يقلب بلطف حتى يبدأ بالغليان , بعدها يترك ليغلي خمس دقائق فقط .
· يبعد القدر عن النار و يقلب كل ربع ساعة حتى يبرد و تختفي عن سطحه الرغوة , نصحتني إحدى السيدات الكبارية البركة أن لا أحاول نزع الرغوة و رميها لأنها تحتوي كل النكهة .
· بعد ذلك يوضع المربى في طبق مسطح نوعا ما و يغطى بشاش أبيض نضيف و يترك في الشمس ليوم أو يومان حتى يصل للسماكة المطلوبة .
· يعبأ المربى في مراطبين زجاجية ثم يحفظ في الفريزر حتى وقت الاستعمال .
كيلو مشمش شكر برة
نصف كيلو سكر
• تقسم حبات المشمش لنصفيين باستخدام سكين و يتم نزع النوى , يمكن أن تكسر النوى و الاستفادة من حبات اللوز الموجودة داخلها .
• يخلط السكر و المشمش في قدر و تقلب الفاكهة و السكر بلطف .
• تترك الفاكهة حتى تخرج عصيرها , لمدة 4 ساعات و يمكن تركها طوال الليل .
• يرفع القدر على نار متوسطة و يقلب بلطف حتى يبدأ بالغليان , بعدها يترك ليغلي خمس دقائق فقط .
• يبعد القدر عن النار و يقلب كل ربع ساعة حتى يبرد و تختفي عن سطحه الرغوة , نصحتني إحدى السيدات الكبارية البركة أن لا أحاول نزع الرغوة و رميها لأنها تحتوي كل النكهة .
• بعد ذلك يوضع المربى في طبق مسطح نوعا ما و يغطى بشاش أبيض نضيف و يترك في الشمس ليوم أو يومان حتى يصل للسماكة المطلوبة .
• يعبأ المربى في مراطبين زجاجية ثم يحفظ في الفريزر حتى وقت الاستعمال .
يسلمو ايديكى حبيبتى اطيب مربى هوه المشمش لا يعلى عليه ابدا
حبيبتى منى
ممكن اطلب منك طريقة البرك المقلية بالجبنة لو ما فيها غلبة
ان شاء الله بيعيشوا ايديكي منظره بيشهي القلب
هلا سمسمة
هادا بس من زووءك , خلص و الله احلى مرطبان لعيونك أختي
الله يسلم هالديات يا حق والله انا هنا بالغربة ما بعمل كل هالمربيات وبتبعثها لي ماما من حلب لأني مافيك تشوفي الشكربره متل يلي بسوريا جد والله كتر الانواع هنا بالفواكه وبكل طعام بس ببلدنا والله الفواكه الطازةاللي بوقتها وطعمتها غير شكل اه من الغربة حضارة بس كلها حياة مصطنعة حتى النفاح الاميركي مثلا بحسه صناعي وليس طبيعي متل تفاحات كسب وغيرها الحمد لله على هالخيرات الطبيعية ببلدنابتعرفي منى اليوم عملت فطائر مشكلة على طريقتك طلعت كأنها جاهزة وأطيب والله .الله يبيض وجهك ويعطيك العافية على تعبك معنا وكمان كانت سريعة التحضير وطيبة ولذلك انا عاجزة عن الشكر ليك يا فنانتا و بالنهاية اتمنى لك سفر سعيد واجازة ممتعة انشاء الله وبالسلامة ان شاء الله رح نستفقد لك لا تطولي علينا
هلا هيلين
من عيوني حبيبتي , بس هلا رح سافر بعد بكرة ان شاء الله بس ما ارجع
فيك اذا بتحبي تشوفي وصفة [URL=http://www.l2ma.com/content/view/88/2/]السمبوسك[/URL]لوقت ما نزل البرك :zzz
هلا غيوثة
و الله متل ما قلتي , الفواكهة عنا غير , و هل الخيرات الي بين ايدينا ما حدا بيحس بقيمتها الا لما بيطلع لبرة :zzz
هنا و عوافي يا رب على الفطاير , و انت لو ما كنت ست بيت شطورة ما كانت نجحت معك هل الوصفات كلها
و انا كمان رح استفقدلك , يلا ما بطول ان شاء الله
هلا بالغالية منى
تسلم إيديكي عيوني على وصفة المربى و على كل وصفة عم بتحطيها بصراحة كللو شي مرتب و متعوب عليه
أنا بصراحة من أنصار المشمش الحموي يا سبحان الله كل واحد بيكون ألو وجهة نظرو وذوقو و ميله لنوع معين من المشمش
اللي بيمز لون مربى المشمش الشكر برا هو لونو اللي متل الشمع و طعمو الحلو بس أنا بحب مزة الحموضة اللي بالحموي و كمان بحس طعمتو بتشبه نكهة قمر الدين مو بيؤولو للناس في ما يعشقون مذاهب و بيؤولو كمان لولا اختلاف الأذواق ما نفقت البضايع من الأسواق
تسلم إيديكي كمان و كمان يا أحلى ست بيت و صبية حلبية
هلا رينو
كلك زووؤ حبيبتي , متل ما قلتي كل واحد و اله شي بيفضله
انا المشمش الحموي بحضر فيه المربى المهروس , هيك بيكون عندي من الشكلين , و شو ما اشتهيت باكل :zzz
الله يسلمك حبيبتي و ما انحرم من هل الطلة الحلوة
السلام عليكم تسلم إيدك منى …شو يعني شكربره .هلأ أنا بالشام بعرف العجمي والكلابي والبلدي…أفيديني أفادك الله
هلا أختي قهوة
اسفة حبيبتي للتاخر , كان النت معطل عندنا بسوريا من يوم الأحد :roll
هلا الشكربرةهو غير العجمي , بس هادا الكلابي ما عرفته , رح قلك على مواصفاته و بركي ان شاء الله بتعرفيه , الشكر برة لونه اصفر متل الشمع و لما بتفتحي الحبة ما بيكون عشقان , يعني سهل انك تفرقي المشمشة عن النواة و النواة لما بتكسريها بتكون طعمتها حلوة :roll ان شاء الله تكون وضحت الفكرة و اي سؤال تاني انا بالخدمة
انا جديدة بهالموقع الأكثر من رائع يلي تعرفت عليه من خلال منتدى لك مجهودك واضح كتير اختي منى والله يعطيكي الف عافية. على فكرة اسمي كمان منى من الأردن.
بس سؤالي ممكن نترك الطبق يوم او يومين نهار وليل او بس بالشمس لتاني يوم نرجع نحطه تحت الشمس؟ شكرا كتير
كيفك مدام منى بس بدي اسالك هلاء مربى المشمش الو اكتر من شكل في مربى حب ومفلق وممروت ومعصور ازاممكن تقوليلي طريقة مربى المشمش المعصور وشلون بيطلع اشقر وازا سمعانة عن المشقر او بخور المربى تقوليلي شورايك
السلام عليكم كيفك منى شلون بصير مربى المشمش المهروس
اهليين ام عبدو
بيتحضر بهي الطريقة مشمش فرنسي أو حموي منشيل البذرة و منطحنه ع ماكينة الكبة أخشن مصفاية
بعد الطحن منقيس عيار السكر , كل مقدار مشمش بده مقدار و نص سكر , منخلطهن مع بعض و منخليهن بالبراد لتاني يوم
و الافضل تكون الطنجرة كبيرة ع المربى
هلا تاني يوم منحطه ع النار و منغليه شي 5 او عشر دقايق و بالاخير عصرة صغيرة ليمون و منشيله فورا عن النار
بس ما برد منعبيه بمطربانات
و بس