براونيز بكريما الخمس دقايق السرية
وصفة قديمة و تراثية من المطبخ الشامي و التركي كمان , و واحدة من وصفات الصيف المفضلة عندي , لان خفيفة و سريعة و معها لبن عيران بارد بتنعنش القلب ..
اسمها غريب و اصله انه يهود الشام كانوا يسموها ( مسلم هربان ) و لما دريوا المسلمين قالوا يا باطل و ردوا عليهم بان صاروا يسموها يهودي مسافر , و انا حابة الفت انتباهكم لهل الوصفة الطيبة و غير هيك ما كنت جبت اسمهم لليهود هون .
الوصفة نفسها بتتحضر في المطبخ التركي و الشامي و الفرق الوحيد انو في المطبخ التركي بيضيفوا للوصفة بعد ما تخلص بقدونس مفروم , انا اذا في عندي بضيف و اذا ما في عادي و بالطريقتين الطعمة طيبة و كل واحدة الها نكهة مختلفة غير التانية . و كمان ممكن تحضري الوصفة باللحمة , بتقلي البصل مع اللحمة و بعدها بتضيفي البندورة و بس ما استوت اللحمة بتضيفي البرغل و بتخليه لحتى يستوي .. بس انا بحبها نباتية لان سهلة و سريعة و بنص ساعة بتكون صارت على السفرة و بصورة عامة بالصيف بحب الوصفات النباتية اكتر .
بالصحة و الهنا
4 – 6 ملعقة كبيرة زيت زيتون
2 ملعقة كبيرة صنوبر
2 حبة متوسطة باذنجان , مقطع مكعبات
2 كوب برغل خشن
1 حبة كبيرة بصل , مفروم ناعماً
1 حبة كبيرة فليفلة حمراء , مفرومة ناعما
4 حبة كبيرة بندورة , مقشرة و مفرومة
نصف ملعقة صغيرة ملح
نصف ملعقة صغيرة فليفلة حمراء ناعمة
ربع ملعقة صغيرة بهار
رشة قرفة
4 كوب مرق أو ماء
• يوضع البرغل على مصفاة ناعمة و يغسل و يترك ليجف .
• تحمى ملعقتان من الزيت على نار متوسطة في قدر غير لاصق , يحمر الصنوبر حتى يشقر ثم يرفع جانباً .
• في نفس القدر تضاف ملعقتان من الزيت و تقلى مكعبات الباذنجان و تقلب حتى تشقر من كل الأطراف , ترفع جانباً .
• تضاف أخر ملعقتان من الزيت و يحمص البرغل على نار متوسطة إلى هادئة لبضع دقائق ثم يرفع جانباً .
• يضاف المزيد من الزيت إذا دعت الحاجة , يقلى البصل حتى يشقر , تضاف الفليفلة المفرومة و تقلب لمدة دقيقة او دقيقتان .
• تضاف البندورة المفرومة مع عصيرها و تقلب على نار متوسطة لمدة دقيقة .
• يضاف المرق و يترك حتى يغلي ثم يضاف البرغل و البهارات و الملح و يقلب بلطف باستخدام شوكة و بعد أن يغلي مرة ثانية يغطى و يترك على نار متوسطة لمدة عشر دقائق . يضاف الباذنجان مرور و لا يحرك . يترك حتى يمتص البرغل كل الماء .
• يترك البرغل في القدر المغطى لمدة 15 دقيقة قبل التقديم ثم يقلب بشوكة , يسكب في طبق التقديم و يزين بالصنوبر المحمص و يقدم مع العيران .
-
وصفات تانية ممكن تعجبك
مرحبااااا
هالوصفة اجت بوقتا عندي 6 بتنجانات بالعدد محتارة شو اعملون ووبهل وصفة وجدت ضالتي
عن جد تسلم ايدك الموقع صاير صديقي الدائم مو ممكن يعدي يوم ما بحبش في على شي شغلة صرت مجربة كتير كتيير اكلات كلو واااو و تمااااام الله يجزيكي الخييير
يعطيك العافية منى كانو اكلتك قريبة من البرغل ببندورة بس مع اضافة خضار باذنجان ةفليفلة ما هيك او قريبة منها الله يسلم دياتك انا زوجي ولهان بالبرغل بالبندورةاكيد ساجربها قريبا جدا صحيح جربت كم اكلة من اكلات الباتنجان روعة بس رح تضحكي لاني ما حفظت اسمهم لاسجلك ياهم لسى بس اخذ لساني عليهم بسجلهم بس جربت كم اكلة والله روعة كلو طيب هلق ما بدي ارجع لاطالع اسمهم من الموقع عذرا مستعجلة شوية عموما جزاك الله خيرا على تعبك وطيبة قلبك واخلاصك بالمعلومات معنا
يسلمو هل ايدين منى بس أنا عم استنى منك وصفة تانية وهيه مربى الباذنجان لأنه هلق وقته وحابة جربه السنة
تسلم ايدك
انا كتير بحب اكلات البرغل بحس انه مفيد وتغيير شكل عن الرز مع اغلب الاكلات
وان شاء الله رح جربها بهاليومين عنجد عبتخليني اتحمس على الفوتة عالمطبخ بس لو قالولي على الموقع اول ما اتزوجت احسن ما قعدت الحق امي بالورقة والقلم واطلب منها كل الطبخات بمقادير دقيقة وهي طبعا خبرة ما بتشتغل على المقادير وكلو على النظر واللي بزعلني اكتر :cry اني بعرفك (طبعا انا زعلانة لأني ما قالولي على الموقع مو لاني بعرفك والله صرعت العالم هون اني بعرفك )
ولو كنت بحلب كنت شفتك الاربعاء الماضي بس للأسف مالي نصيب cry :sigh
ياستي وانا كمان بقول اجت بوقتها
من يومين شفت مطربان البرغل بالخزانة وزورني
قلت لازم اعملي شي اكلة برغل
وهلق اجت هالوصفة بمحلها انشالله هاليومين بجربها
الطبخة صارت عالنار ولما تستوي رح خبرك النتيجة وانا اكيدة انها بتجنن
يا عزيزتي طلعت الاكلة روووعة عن جد كتير لذيذة وخفيفة بالذات لما تاكليها مع اللبن والمخلل
على فكرة انا بس ضفتلها سمنة طيبة بالآخر عطت البرغل طعمة يممممممم يسلم ايديكي ياحلوة
على فكرة بلش مسلسل الباتنجان عندي عبيت البراد وعم اعمل كل كم يوم اكلة :zzz يخليلي ياكي على هالاكلات الطيبة
هلا جوجو
ايه 6 بتنجانات بيطلعوا كمية مع هل الوصفة
شكرا كتير لصداقتك الي اتمنى انها تكون دائمة و الف الف صحة على كل شي جربتيه
هلا غيوثة
اي تقريبا نفس الفكرة بس الطريقة بس هل الكم فرق رح يغيروا الطعمة
الله يعافي قلبك و بدنك و الف الف صحة و هنا و عافية على كل شي جربتيه , و لا يهمك حبيتي لما بتفضي تبقى ارجعي و اكتبي شو جربتي لحتى تشجعي بقية الصبايا :zzz
هلا نسرين
تكرم عيونك نسرين , ان شاء الله بنزل وصفته قريب اذا رب العالمين يسر
هلا ام نبيل
الله يسلمك يا قمر , ان شاء الله تجربيها و تحبيها و تكون على زووءك و ان شاء الله دوما همتك عالية و نشاطك تمام على فوتة المطبخ
انا متلك , دوما كنت حاول لاقي مقادير مظبوطة و كله يقلي على النظر و قلهن يا جماعة و الله لسى ما في نظر :grin
اممممممممم , ايا اربعاء و نحنا كيف منعرف بعض شخصي :roll انو شوي مضيعة انا كاني ..
يعطيك العافية منى انا حبيت كاري الباذنجان المشوي وكمان الباذنجان المغطس بالجبنة حلو شكلا وطعمة وكمان سلطة الباذنجان والفليفلة المشويةرائعة وكلهم كانو لذيذين يعطيك الف عافيةما بعرف ليش مطلسمة وما عبحفظ الاسماء رجعت للموقع لاتذكر اسمهم على كل اش ما جربنا عم نشوف انه رائع سلمت يمناك
صحتين و الف الف هنا حبيبة قلبي , لا عادي لان صاروا كتار و منهم بيشبهوا بعضهم :zzz
شكرا لتجربتك وصفاتي و الف هنا مرة تانية
والله كل ما بحتار بطبخة بفكر بهي الاكلة بس زوجي العزيز مو صحبة لامع الباذنجان ولا مع البرغل ولذلك شكلي لما بدي اعملها رح اعمل طبختين
الصراحة اكيد شايفين بعض في احتمالين عند هبة او نور اخواتي
بس لفرق العمر والغربة انا ما بذكر كتير وعالأغلب انت كمان مو مشكلة بأول اجازة على حلب رح شوفك باذن الله
الله يحميك ويعطيك العافية على كل الاكلات الرائعة
عن جد هبة و نور خواتك :zzz
يا ستي اطيب اكل باكله عند خواتك و عندهن ما بقدر فوت اكلة , كله لازم دوقه و كله بيجنن , تسلم ايدهن و ايدين ماماتك
انبسطت كتير انك اختهن , خلص اكيد لما بترجعي منشوف بعض
بوسات
شكرا كتير على المدح الرائع
جربتها وأخيرا حبيتها بس حبيت برغل بكوسا على الطريقة التركية أكتر
الله يعطيك العافية
تحياتي أخت منى،
حابب ألف نظرك لنقطة بعتبرها مهمة حول أصل الوصفة وتسميتها، التفسير الي ذكرتيه خاطئ وهي الرواية اليهودية للقصة! وللأسف نحنا بطيبة قلبنا المعهودة ما كتير مندقق وبتمرق علينا كتير أشيا!! فصدقنا أن التسمية اليهودية هي الأصل وأن التسمية الإسلامية جاءت رد فعل عليها! مع أن الحقيقة هي العكس تماما، التسمية الإسلامية هي الأصل، ولها مبررات فنية وتعبيرية لغوية قوية، ثم جاءت التسمية اليهودية مجرد رد فعل عليها للنكاية بالمسلمين!!!
والقصة الحقيقية كما ذكرها خير الدين الأسدي بموسوعته بأكتر من مكان أن الحلبيون المسلمون اعتادوا أن يطلقوا لقب (اليهودي) على البانجان لسواد وجهه! وهناك عدة أمثال وأقوال شعبية تشبه البانجان باليهودي، ومن هنا أطلقوا اسم (يهودي مسافر) على البرغل ببانجان لأن البانجان في هذه الأكلة سافر وانتقل إلى البرغل الغريب عنه والذي ليس من عنصره (حيث كانت مسقعة البانجان مثلاً أولى بأن تأويه إليها). أي أن التسمية فيها تورية بلاغية جميلة ولها مبررات فنية وتعبيرية قوية. لكن هذه التسمية استفزت يهود حلب فأطلقوا عليها اسم (مسلم هارب) تحدياً للإسلام ونكاية بهم، وتلقيب اليهود إياه بالهارب أنكى من المسافر لأنه وصمهم بالجبن.
وبكل صراحة أختي الكريمة أنا من لما قرأت مقدمتك ما اقتنعت فيها وحسيت أن التفسير ساذج وشكيت أن الموضوع فيه إن!! فبحبشت بالموسوعة لحتى عرفت القصة، وشفتها كتير موضوعية ومقنعة.
بإمكانك أختي الكريمة ترجعي للموسوعة وتتأكدي من الموضوع لأن القصة مذكورة فيها بأكتر من مكان. وإذا اقتنعتي بتمنى لو تعدلي الشرح في مقدمة الوصفة، للأمانة العلمية والتاريخية.
تحياتي
شلونج منى حبيبتي مشتاااااقه كثير
:cry
ادري تاخرت جدا بالمشاركه بس التواجد ما قل ولله الحمد
مع بدايه السنه قررت اني ابتدي ادخل بنظامي الغذائي جميع الاكل اللي كنت كارهته وانا صغيره او اعتقد اني ما احبه
البادنجان منهم
ما شاء الله تبارك الله شكل الوصفه عجبني وان شاء اله بطبقها قريب بس اشتري المكونات اللي ناقصتني
احب وصفاتج جدا
الله لا يحرمنا منج ولا من وصفاتج والله يحفظ سوريا بحفظه وبعينه اللي ما تنام
تسلم ايديك يامنى بس من فضلك عندي سؤال في أكلة حلبية اسمها إيج اذا ماني غلطاني اكلتها من زمان أساسها البرغل بس ما بعرف كل المواد ممكن تعطيني طريقتها لو سمحت وشكرا
اهلا وسهلا فريال , منورة حبيبتي
الوصفة بالتفصيل بتلاقيها على هل الرابط
http://l2ma.com/?p=125