براونيز بكريما الخمس دقايق السرية
تقريبا أغلب الناس بتحب الكريب و مع ان وصفته بسيطة كتير بس مو كتير الي بيتشجع يحضرها . العجينة واحدة بس الحشوة ممكن تتغير و في مية الف فكرة و فكرة لتجددي فيها , حلو و مالح , بارد سخن , شو ما بيخطر على بالك اذا كان الكريب محضر صح فرح يطلع ايا شي فيه طيب
اليوم فكرة كتير بسيطة , حاشية الكريب بكريم موسلين , الي هو كريم باتيسير مع شانتيه , ما بتعرفي هل الاضافة البسيطة شو بتفرق بالطعم , بتحول الحشوة من شي طيب لشي يجنن و الحشوة هي لو مديتيها على بسكويت بتطلع يممي لو حشيتي فيها الكاتو بتطلع نممي و لو حشيتي فيها الكريب بتطلع نميي نميي .
بعدها وزعت عليه صوص شوكولا و اخر لمسة هي كرانش الشوكولا الي حيضيف قرمشة لكل لقمة , القوام مهم بكل وصفة و هي الاضافة رح تعمل اللمسة المزبوطة بين الحشوة الكريمة الناعمة الي بتدوب بالتم و القرشة الطيبة للكرانشات و كله مغطس بصوص شوكولا بياخد العقل .
بالصحة و الهنا
وصفة صوص الشوكولا
وصفة الكريب
كرانش شوكولا للتزيين
كريم موسلين :
2 كوب حليب
نصف كوب سكر
2 صفار بيض
فنجان صغير طحين
فانيليا
رشة ملح صغيرة
كوب كريم سائل خاص بالحلويات , يفضل ان تكون باردة
يوضع كوب و نصف من الحليب على النار و يترك حتى يغلي .
يوضع الطحين و السكر و الفانيليا و رشة الملح و باقي الحليب البارد في وعاء زجاجي و يقلب بمضرب سلك حتى يتجانس . يضاف صفار البيض و يقلب حتى يتجانس المزيج .
يضاف القليل من الحليب المغلي على مزيج الصفار مع التقليب المستمر , يضاف مزيج الصفار على باقي الحليب المغلي و يقلب الكل بسرعة و على نار متوسطة أثناء الإضافة كي لا يتكتل الكريم .
يغلى الكريم لمدة دقيقتين مع التقليب المتواصل حتى الحصول على كريما ناعمة . تبعد عن النار و تترك الكريما حتى تبرد مع التحريك كل 5 دقائق لمنع تشكل قشرة على الوجه .
تخفق الكريما السائلة حتى تنتفخ و تصبح خفيفة . تضاف بالتدريج للكريم و تقلب بلطف حتى يستوعب الكريم الاضافة , تضاف كمية اخرى و تكرر العملية حتى انتهاء كل كمية الكريم المخفوق . اصبح الكريم موسلين جاهزاً .
تحشى حبات الكريب بكريم موسلين و يرتب في طبق تقديم , يوزع صوص الشوكولا على الكريب و ينثر الكرانش و تقدم .
-
وصفات تانية ممكن تعجبك
وووووولي على قلبي شلكها بياخد العقل :cry
يســـــــلم هالأيدين ست منى
دخيلك لقمة :zzz
تسلم الايادي ست منى
وصفه رائعه جدا وعن نفسي من عشاق الكريب
الله يبارك بعملك ولا يحرمك الاجر
ماشاء الله يا منى يسلمو الايادي شو هالفن و شو هالنمي نمي :grin
الله يعطيكي العافية الا ما اجربا صارلي زماااان سمعانة بهالحشوة و ما عم يخطري اساويها بس شجعتينا و الله كالعادة
الله يبارك فيكي و يحميكي و يحمي عيلتك و بلدك .
وااااااو اخت منى هذه بجد شكلها كثير رائع ومن خلال وصفك الها صرت حابة كثير اني اجربها انا دائما بعمل الكرب بالعسل او المربى ومرات بعمله بالجبنة المالحة بيطلع شي زاكي بس هذه فيها شوكولا فطالع شكلها بيجنن :zzz
هلا عليا
الله يسلمك حبيبتي , مية هلا فيك :zzz
الله يعطيكي العافيه ست منى انا كتير بحب الكريب وخصوصي مع الشوكولا رفيقتي بتضيف مع الشوكولا بوظه بعد ما بتلفه رول كتير بتعطي طعمه طيبه وبقلبه بتحشيه موز وشوكولا يمييي.
بتعرفي انا دقت الكريب من وحده فرنسيه هنه بحبوه مع عصير الليمون والسكر اول ماقالتلي انو هيك بياكلوه استغربت بس وقت دقته كتير حبيته نكهة جديده لقيته.
أولا اي اش هالكريب الرااااااائع
منظره تحفة على قول أخواننا المصريين..
ثانيا منى أنا عندي استفسار ..عملت اليوم مايونيز و لأول مرة بس ما طلع طيب (طلعت طعمة الزيت غالبة على كل شي)مع أن ما نقصت شي من المكونات
برأيك لأن حطيت زيت زيتون؟؟؟؟؟
فينك ست منى , مو مبينه كعادتك
ان شاء الله كل شي تمام والاوضاع عندكم بخير
الله يحمي بلادكم وبلاد المسلمين اجمعين
يا ضحى الصينية كلها الك مو بس لقمة
أول مرة بشتهي جرب وصفة كريب
بصراحة
الصورة بتاخد العقل ماشاء الله
بس عندي استفسار شيف منى
هلأ الكريب هو نفسه البان كيك والا كل واحد شكل؟؟
مرحبا اختي فرفوشة راح اسمح لنفسي اني اجاوبك بدال الست منى لانيها ما عم تبين :sigh اللهم اجعله خيرا
الكريب مو نفسه البان كيك وكل واحد مختلف عن التاني بس يعني ولاد عم,البان كيك اسمك من الكريب ومقاديرو مختلفة شوي ..ان شاء الله اكون افدتك اختي و ان شاء الله لما ترجع الحبيبة منى بتبقى بتشرحلك بالتفصيل بتعرفيها ما بتقصر
هلا ام ندى حبيبتي
تسال عليك العافية و الخير دوما ان شاء الله
الاوضاع عنا ماشي حالها , بس القلب ميت , الله يحمي بلادنا و اهلنا و لا يضرهم يا رب :cry
ان شاء الله تجربيه و يكون على زووءك:)
مراحب أخواتي شلونكم ان شاء الله خير يا ست منى ليش مو مبينة الله يكون معكم ويحميكم
بس عندي استفسار هلق عرفت منكم وصفة الحشوة بس العجينة شو ؟؟؟؟؟ ممكن التوضيح
قبلاتي للجميع
السلام عليكم اخت منى كيفك ؟
هالاكلة كتير لذيذة وبتشهي تسلم ايديكي بس بدي عزبك معي من بعد اذنك ياريت تعطينا طريقة ووصفة الكاتو تبع كل سنة وانت اطيب يا لقمة طيبة لان منظرو اكثر من روعة 8)
والله يعطيكي الف عافية
الله يعطيك ألف عافية أختي أم نوران
ويجزيك الخير ع إفادتك
بس عن جد يامنى وين هالغيبة؟؟
إن شاء الله المانع خير
بصراحة الموقع من دونك ما بيسوى شي :cry
وأنا بحب أجاوب سوسن محمد من بعد إذن الغالية منى..
أختي سوسن وصفة الكريب بإمكانك تشوفيها بس تضغطي ع كلمة (الكريب) وهي ح تلاقيها باللون الأخضر مع المقادير وكمان صلصة الشوكولا.
السلام عليكم حبيباتي شكرآ أختي فرفوشة على التوضيح بس اكتشفت هالشي قبل ما تقليلي بقى ما تواخذوني جديدة عالموقع بس الله يجزيكي الخير على توضيحك واهتمامك
وعلى فكرة غيرت اسمي من سوسن محمد لأم ريماس لمن يهتم :roll
وعسى خير أختي منى اشتقنالك وينك بقى
السلام عليكم يسلمو ايديكي يا أحلى الستات عن جد وصفة واوو يميي أنا جربتها وعجبتهم للكل وما كنت مفكرة بحياتي ممكن تنجح معي هيك أكلة لولا شرحك المفصل الها وعن جد الله يجزيكي ألف خير :zzz
وينك بقى اشتقنالك :cry
بانتظارك يا ست الستات
هلا ام نوران
و الله نمي نمي ان شاء الله تجربيها و تحبيها و تكون على زوءك يا رب , و رح استنى رايك فيها
شكرا لجوابك و لوجودك الايجابي بالموقع , يا هلا فيك حبيبتي
هلا هيا
طيبة بالمربى بس بالشوكولا بحسها اطيب , و رح تعجب الكل و خصوصا الاطفال , الله يحفظهم و يبارك فيهن
رح استنى رايك بعد التجربة
هلا foforose
فكرة بتاخد العقل , هي اول مرة اسمع فيها , عجبتني , ان شاء الله باقرب فرصة بجربها
يمكن قصدك كريب سوزيت ؟ كمان طيب كتير و طعمة البرتقال و الحمضيات رح تخليه وصفة مميزة
شكرا لاغناء الوصفة بالافكار , مية هلا
هلا ملك
ان شاء الله تجربي الوصفة و تطلع متل ما بتحبيها
انا كمان جربت المايونيز بزيت الزيتون و ما حبيته ابدا , يمكن لان زيت زيتونا طعمته قوية فما بيلبق للمايونيز
هلا فرفوشة
متل ما قالت ام نوران البان كيك اسمك و فيك تعتبريه القطايف على الطريقة الاجنبية :grin
ان شاء الله تجربي الوصفة و تطلع على زووءك و شكرا حبيبتي للسؤال , الله يديم الود و الخير و المحبة
هلا ام ريماس
صحتين و الف الف عافية يا رب , الحمد لله انها زبطت معك و عجبتك و انا بقلك ما كانت رح تزبط معك لو ما انتي حابة تحضريها
مية هلا فيك و شكرا على السؤال و كمان مبروك تغير الاسم , و اسفة للتاخر بالرد
منورة 8)
هلا خلود
ان شاء الله تجربيها و تحبيها و وصفة الكاتو صارت على الصفحة الرئيسية , ان شاء الله تجربيها و تطلع نمي نمي
منورة يا جميل
و اخيرا يا منى
بعد ما فقدت الأمل بردك :roll
الحمد لله عالسلامة
و مشان المايونيز أنا رجعت جربته بس بزيت ذرة طلع طيب :zzz
يعني أكيد مع زيت الزيتون ما بيمشي الحال
صحتين و الف عافية
منيح الي رجعتي عدتيه , هنا ملك 
على قلبك يا منى
كيفك مشتاقتلكم كتير ومشتائتلك صرلي فترة مشغولة بالامتحانات بس هلأ رح تشوفوني كتير بالصيف
والله كنت جاي عبالي أتعلم طريقة الكريب لأنه كتير بحبه
وهلأ جاييني مناسبتين عيد زواجي وبعدا عيد ميلاد بنتي
بس بما انك ذكرتي المالح عبدور على حلويات مالحة أو ماشابه لأنو مرت أخي مابتحب شي اسمه حلو فحابه أتعلم من شان عيد ميلاد بنتي
ويعطيكي ألف عافية ويسلم دياتك
ما شاء الله روعة تسلم الايادي
الله يسلمك اخي عمر , منورنا و الله