مهلبية الشوكولا بالبسكويت


         وصفة : منى                 2014/12/26                 10 تعليقات
مهلبية الشوكولا بالبسكويت

لما يكون جاي ع بالكم تدللوا حالكم أو حبايب قلبكم بشي وصفة تحطكم ع شي غيمة من الرفاهية ، بنصحكم تجربوا هل الوصفة .

مهلبية الشوكولا بالبسكويت .. كل لقمة بلقمتها غرام و متعة و لذة ، عشاق الشوكولا ما لازم ابدا يفوتوا هي الوصفة ، تقريبا كل ما أعملها بتطير خلال ااقل من نص ساعة و هي لسا دافية شوي .. أد ما كانت الكمية ، صحن ورا صحن ورا صحن .. و الحلو كمان ان شكلها كتير مميز ، بتقدروا تستخدموا ايا بسكويت عندكم .. انا استعملت هل النوعية ، حبيت شكلها لما دابت الكريما شوي ، صارت اغراء فوق اغراء .

بالصحة و الهنا

-المقادير:

ليتر حليب ( 4 كوب )
ثلاث أرباع كوب سكر
علبة قشطة أو قيمر أو ثلاث أرباع كوب كريم فريش
3 ملعقة كبيرة كاكاو بودرة
3 ملعقة كبيرة كورن فلاور
3 مكعب شوكولا على حليب


للتزين بسكويت بالشوكولا ( النوعية حسب الرغبة )
- طريقة التحضير :

1- يقلب الكورن فلاور و السكر و الكاكاو مع بعض حتى يصبح مزيج متجانس ، يضاف الحليب و يقلب ع البارد تختفي كل الكتل من المزيج .

2- يرفع القدر على نار متوسطة و يحرك بمضرب سلك حتى يغلي و يثقل قوامه و يترك ليغلي لبضع دقائق .

3- يبعد القدر عن النار و تضاف الشوكولا و تقلب حتى تذوب و أخيراً تضاف القشطة و تحرك .

4- توزع حبات البسكويت على أطراف الأطباق ، تسكب المهلبية في الأطباق بلطف و تترك لتبرد قليلاً ثم توضع في البراد حتى وقت التقديم .

التعليقات

  1. ام محمد معتز 27 December 2014

    تسلم ايدك★★★★★.

    • منى 27 December 2014

      الله يسلمك ام محمد و معتز
      شكرا الك :)

  2. رانو 28 December 2014

    ان اشاء الله عن قريب بدي جربا مبينة شهية

    • منى 28 December 2014

      ما بتندمي رانو :)

  3. رانو 28 December 2014

    كتبت كذا مرة تعليق وما يزبط لاني مغيرة جوالي ..اخيرا زبط

    • منى 28 December 2014

      بعد زمااان رانو مية هلا يا عسل

  4. hadeel 1 January 2015

    الله يسلم هالايدين.. شو رأيك منى بصير نستغني عن مكعبات الشوكولا ونكتفي بالكاكاو

    • منى 1 January 2015

      الله يسلمك هديل :)
      اي بيصير ، بس هي مميز بالقشطة و مكعبات الشوكولا و الا بتصير بعدها متل الكاسترد العادي

  5. om nabeel 3 January 2015

    تسلم ايدك منون شكلها بشهي واكيد الطعمة رح تحكي
    رح جربها قريبا وخبرك النتائج ولو انها معروفة سلفا

    • منى 4 January 2015

      الله يخليلي ياك يا عسل ، رح استنى النتائج و ان شاء الله تطلع ع زوئك :)

تقييم الوصفة
عاديةقد أحضرهاجيدةممتازةأكثر من رائعة (4 votes, average: 4.00 out of 5)