الدجاج محشي شرقي


         وصفة : منى                 2007/06/20                 49 تعليقات
الدجاج محشي شرقي



دجاجة كاملة بوزن 2 كيلو منظفة
ملعقة صغيرة ملح
نصف ملعقة صغيرة فلفل أسود مطحون
نصف ملعقة صغيرة قرفة مطحونة
نصف ملعقة صغيرة حب الهال مطحون
ربع ملعقة قرنفل مطحون ( مسمار )
ربع أو نصف حبة جوزة الطيب مبشورة طازج
2 ملعقة زيت
ربع كيلو لحمة أو كبد دجاج
كوب و نصف رز مصري منقوع
كوب و نصف ماء لطبخ الرز
مكسرات محمصة ( لوز و صنوبر و فستق )

- خلطة التحمير :

2 ملعقة كبيرة دبس فليلفة
نصف معلقة كبيرة سماق
فص صغير جداً من الثوم المهروس
عصير ليمونتين


- الباقة العطرية :

بصلة كبيرة مقطعة أرباع
جزرة كبيرة مقطعة حلقات
عود قرفة
2 ورق غار
بضع حبات هال
بضع حبات فلفل أسود
2 كوب ماء





• تخلط البهارات و الملح مع بعضها البعض , ثم تدعك الدجاجة بنصف مزيج البهارات من الداخل و الخارج جيداً و تترك لمدة 3 ساعات على الأقل لتأخذ نكهة البهارات .

• تقلى اللحمة أو كبد الدجاح بالزيت و تقلب حتى تنضج و يجف كل مرقها ثم تتبل بباقي البهارات و تقلب .

• يضاف الرز و يقلب لمدة دقيقة أو دقيقتان ثم يغمر بالماء و يترك حتى يغلي ثم يغطى القدر و تهدى النار و يترك حتى تمتص حبات الرز كل الماء , سيكون الرز غير مكتمل النضج .

• بعد أن يبرد الرز قليلاً يخلط بالمكسرات , أصبحت الحشوة جاهزة يحشى بها جوف الدجاجة و نبعد بلطف بين الفخذة و الجلد الذي يغلفها و نحشيه أيضاً ثم تغلق الفتحة بواسطة إبرة و خيط قطني سميك و تربط ساقا الدجاجة حتى يصبح منظرها جميل عند التقديم .

• تمزج مكونات خلطة التحمير حتى يتكون لدينا مزيج متوسط اللزوجة و يحمى الفرن على 180 درجة مئوية .

• توضع الدجاجة في صينية فرن و يدهن وجهها بخلطة التحمير ثم توضع كل مكونات الباقة العطرية في الصينية و تغطى الصينية بورق ألمنيوم بشكل محكم الإغلاق و تترك مدة ساعة .

• يرفع ورق الألمنيوم و تسقى الدجاجة بالعصارة ثم يتابع الشوي لمدة نصف إلى ساعة كاملة أو حتى تنضج الدجاجة و تحمر .

• تنزع الخيوط عن الدجاجة و ترفع من صينية الفرن و توضع في طبق التقديم و تقدم مع المزيد من الرز و السلطة أو مع الخضار السوتيه .



  • وصفات تانية ممكن تعجبك


التعليقات

  1. ام نور 26 September 2007

    الصراحة اخت منى بيشهي بس كنت حابي احشي فريكة بدل الرز بس ماني مجربتها ولا مرة بالفروج وسمعت انها كتير طيبي بدي اعرف نفس طريقة
    الرز او في تعديل :? جزاك الله خير :)

  2. منى 26 September 2007

    هلا ام نور :)

    الطريقتيين طيبات و هدا حسب الزوق الشخصي

    الطريقة نفسها

    بتنقعي الفريكة بالمي لمدة ساعة تقريباً و ممكن نقعها بمرق دجاج إذا متوفر عندك بعدها بتصفيها منيح و بتقلي اللحمة أو الكبدة إذا بتحبي تستعمليه بالسمنة أو الزيت و بتقلبيها لحتى تنشف ميتها و تستوي ..
    بعدها بضيفي الفريكة و بتقلبيها كم دقيقة و بالخير بتغمريها بالمرق المغلي , تقريباً لكل كوب فريكة يلزمك ما بين الكوب أو الكوب و نصف مرق و بتهدي النار لحتى تستوي الفريكة .

    بالأخير بعد ما بردت الفريكة بتخلطيها بالمكسرات و بتحشي فيها الدجاجة :)

    أي سؤال تاني أنا بالخدمة أختي :)

  3. مروة المصرية 11 October 2008

    :) شكرا على ردك واليوم حجرب الفرخة المحشية وانا واثقة انها لذيذة وطبعا حبلغك النتيجة

  4. منى 11 October 2008

    الف شكر على ثقتك وان شاء الله تعجبك :zzz

  5. مروة المصرية 11 October 2008

    :grin جربت الفرخة المحشية النهاردة وبجد لذيذة جدا.لان وصفاتك ممتازة جدا وبتنجح معايا كنت عايزة اسال لو عندك طريقة لعمل البيتى فور اشياء العيد لانى جربت وصفات ولكن لم تعطينى نعومة البيتى فور التى اريدها.انا شاطرة فى عمل التورتات والكيك العادى بس مشكلتى مع البسكويتات :cry .معلش لو طولت عليكى وشكرا مرة تانية :grin

  6. منى 13 October 2008

    مية هنا و عافية مروة :) بالعكس اختي لا طولتي و لا شي , رح نزل وصفتي للبيتفور قريب ان شاء الله ;)

  7. هنون 15 October 2008

    مرحبا :roll
    ياريت يااخت منى لوشي مرةتشرحيلي كيف بتقطع الجاجة حسب الاصول منشان الطبخ ياريت بالصور اذا في مجال انا بكون مشكورتك كتير
    الله يعطيك العافية

  8. منى 15 October 2008

    ان شاء الله اختي :) هي تاني طلب لطريقة تقطيع الدجاج , هلا مشغولة كتير كتير , بس ما أخلص رح نزل الطريقة ان شاء الله بالتفصيل و الصور ;)

  9. منى 11 November 2008

    هنا و الف الف عافية رنونة :)
    هي وصفة مو سهلة و متل ما قلتي بدها شغل
    طريقة تقديمك حلوة كتير و الورد على الطاولة بيجنن , يا ستي تتهمى حماتك فيك و الله يديم المحبة و المعروف :zzz

  10. رنا 12 November 2008

    يسلمو ايديكي على هالطريقة …اجت حماتي من حلب مبارح وعملنالها كم اكلة وجربت الدجاجة لاول مرة يالطيف شو طلعت طيبة بس ماكنت حاطة احتمالات للنجاح ابدا لانه حسيتها وصفة صعبة بس الحمد لله طلعت بتبيض الوش كتير وهي الصورة …بس انا قمرتها شوي لانه بنحب الجلدة المقمرة
    [img]http://file11.9q9q.net/local/thumbnail/88646515/600×600.jpg[/img]

  11. ريمو 1 December 2008

    السلام عليكم :zzz
    الاكلة روعة واكيد الطعم اروع انا من زمان مشتهية اعملها بس ماعم اتجرء بس هالمرة نويت بس عندي كم سؤال اذا مافيها ازعاج :?
    انا قريت انو فينا نستبدل الرز بالفريكة بس النصف الباقي من البهارات اللي بينضاف للحمة بعد النضج ومن ثم للفريكة مارح يكون كتير ويضيع نكهة الفريكة لانهابالعادة مابدها كتير بهار :roll وكمية الفريكة والماء هي نفسها تبعيت الرز وهل تكفي للحشو فقط ام للتقديم كمان :? وكمية الماء هذه بعدماتجف تمامابتكون نضجت تمام ولا غير مكتملة النضج وموأحسن اذا كانت ناضجة تماما للضمان :?
    واسفة كتير كتير لكتر الاسئلة بس لانو خايفة من الفشل :upset وشكرا جزيلا[B]null[/B]

  12. منى 2 December 2008

    هلا ريمو :)
    و لو حبيبتي انا بالخدمة .
    البهار بالاخير شغلة راجعة لزوءك , انا بحب نكهة البهار في الاكل و انت فيك تتحكمي فيه على مزاجك , المهم بهل الوصفة التتبيلة الي على الدجاجة ان ما تغيري فيها كتير ;)

    كمية المي للفريكة بتكتريها شوي يعني ممكن تضيفي أكتر من كوبين مي بشوي لكمية الكوب و نصف فريكة و الفريكة بتكفينا بس للحشوة .
    إذا كانت الفريكة او الرز مستوية تمام و بعدها حشيتيها في الدجاجة رح تمتص من المرق و تخبص ما رح تطلع مفلفلة :roll

    و لا يهمك يا قمر , انا تحت امرك و اي سؤال تاني من عيوني :)

  13. ريمو 2 December 2008

    :zzz شكرا كتير ياأحلى زوق على الرد اللي احلى من العسل وعنجد خجلتيني كتير :roll
    انا انشاالله الخميس بدي جربها لانو بكرة مشغولة شوي ورح اعمل متل ماقلتيلي بالضبط واكيد رح قلك شو بصير معي.
    سلام للحلو 8)

  14. منى 2 December 2008

    ان شاء الله ريمو :) و يا رب تطلع طبة و تظبط معك
    عم استنى رد منك ;)

  15. ريمو 4 December 2008

    شكرا كتير كتير على الوصفة اللي بتجنن والله يبيض وجهك يارب صدقيني عم ادعيلك :zzz
    لانها طلعت بتجنن وماتوقعت تطلع هيك ابدا من اول مرة وحتى زوجي كمان ماتوقع لانها مابيعملوها غير اللي عندن خبرة مو المبتدئين متلي بقى شكرا كتير لانو الفضل الك كمان عذبتك معايي :sigh
    شكراوالسلام :)

  16. منى 5 December 2008

    و لو ريمو , ايه شو هل العذاب مو مستاهلة ;)

    ان شاء الله ريتو الف الف صحة و هنا و عافية على قلبك و قلب زوجك و كل العيلة الحلوة , كتيررر انبسطت انك جربتيها و نجحت معك و كمان عجبت الكل :)

    الف شكر للدعوات و ان شاء الله الك متلها و اغلى أختي ;)

  17. zsoukar 11 January 2009

    مرحبا .لو تعرفي اني بقضي ساعات بقراءه الوصفات ومابمل . وبكره ان شاء الله رح جرب الدجاج المحشي .بس بتمنى انو تساويلنا الturkey.لانو من ايديكي اطيب وشكرا الك :)

  18. منى 11 January 2009

    ان شاء الله تجربيه و يكون على متل ما بتحبي :)

    مية اهلا و سهلا فيك و هل الكلام بس من زووءك أختي , نورتي :zzz

  19. zsoukar 12 January 2009

    حابه قلك شكرا على هالاكله الطيبه .انا بطبيعتي مابميل لاكل الدجاج بس هالاكله خلتني فكر بطبخات الدجاج.والله ماشبعت منها.يسلموا هاليدين يارب :)

  20. منى 13 January 2009

    الله يسلمك و يخليك , و الحمد لله انك حبيتيها و عجبتك :)

    مية هلا اختي ;)

  21. dado 15 February 2009

    مرحبا
    وأخيرا إجى موعد تحضير دجاجتي الأولى.
    قلتلك من قبل كنت ناوية حضرها مشوية مع الأعشاب العطرية بس لما جاوبتيني ونصحتيني بالدجاج المحشي غيرت رأيي فوراً وسمعت لنصيحتك.. يلي بأكدلك أكتر من مليون بالمية إنها بمحلها ;)
    حضرتها مبارح لضيوفي .. طار عقلن بالمنظر والطعمة والريحة وكل شي.. حتى رفيقتي قالتلي إني باكل لحمة من ورا ضهرن وإلا مستحيل يطلع معي الطبق بهل طيابة :grin
    شكرا كتير منى.. أما ممنونة لأنو بصراحة من دونك كنت ما عرفت شو بدي اعمل لما يكون جايني ضيوف بدي اطبخ لحومات :)

  22. منى 16 February 2009

    هلا دالو حبيبتي :)

    الف هنا و الف عافية على كل لقمة على قلبك و قلب ضيوفك , بتعرفي شو ضحكت لأن رفيقتك خبرتك انك بتاكلي لحمة :grin

    الشكر الك دالو , ردودك دايما شافية و وافية و من التفاصيل الي بتحكيها بحس حالي كنت معكم و كان اكلتلي كم لقمة :zzz

  23. ام سيمى 25 February 2009

    شكلها شهي جدا وانا احبها ولكن اتردد دائما بتحضيرها ظنا مني انها تحتاج الوقت الطويل
    ساجربها خلال ايام ان شاء الله
    ولكن عندي رجاء وهو ان تضيفي مع الوصفات ما تحتاجه من وقت
    وشكرا لك

  24. منى 25 February 2009

    هلا ام سيمى :)
    ان شاء الله تجربيها لان وصفتها سهلة و ما بتاخد كتير شغل :)

    تكرم عيونك على الوقت ان شاء الله رح حاول ضيف قصة الوقت على الوصفات , الف شكر الك للاقتراح

  25. سارونات 27 August 2009

    السلام عليكم و رحمة الله و بركاته

    منووووووووووووووووووووش اشتقتلك كتييييييييير لا تواخزيني على الغيبة لان ما كنت بالبيت و لما جعت لقيت النت عطلان و ما رجع غير امس
    رمضان كريم و تقبل الله صيامكم و قيامكم

    اختي منى ان شاء الله بدي ساوي هالدجاجة بس بدي اعرف اذا فيني ساويها الصبح او الظهر و بعدين سخنها بينفع او لا يا ريت تقوليلي على الطريقة الصحيح من شان تظلها جديدة

    بالتوفيق
    سلام

  26. منى 27 August 2009

    لك وينك يا منظومة و الله استفقدتلك , الحمد لله على خير هل الغيبة , رمضان كريم

    فيكي تحضري الحشوة و تحشيها , بس اتركي الخبز لقبل الافطار بتلات ساعات تقريباً , احسن ما تسخنيها , هيك وصفات طيابتهم و هنن من الفرن لسفرتك على طول ;)

    كل سنة و انت سالمة مرة تانية و الله يتقبل صيامك و طاعاتك

  27. gsm 6 September 2009

    السلام عليكم منى انا من شوي حطيت الدجاجة بالفرن بقى غن شاء الله تزبط لأنو هادا هو الفطور لليوم ببقى بخبرك عن النتائج

  28. منى 6 September 2009

    شو؟ فطرتوا و الا كيف ؟

  29. gsm 7 September 2009

    اهين منونة والله كنت حابة اخبرك عن النتائج إمبارح بس بصراحة إنشغلت وماقدرت ادخل على النت المهم يا ستي فطرنا إمبارح من الدجاج المحشي وعن جد كتييير كتيير طيبة ونالت إستحسان الجمهور يسلموا إيديك يا منى على هل الأكلة والله إنو إختيارك لإسم الموقع موفق عن جد لقمة طيبة والله يجزيك الخير يا رب

  30. سارونات 14 September 2009

    السلام عليكم و رحمة الله و بركاته

    منووش بدي ساوي هالدجاجة بهاليومين ان شاء الله بس للاسف لساتني ما ساويت دبس فليفلة و ما عغندي سماق بقى بشو استبدلهن تحتى يطلع لون الدجاجة حلو :sigh

    بالتوفيق

    سلام

  31. منى 16 September 2009

    هلا gsm:)
    ريتو هنا , ريتو صحة , ريتو عافية , ريتو كل شي حلو لكل مين داق منها

    انا كتير مبسوطة انه عجبت الجمهور و خصوصا انه على الافطار , الف شكر الك لثقتك في و تجربتك وصفاتي ;)

  32. منى 16 September 2009

    هلا سارونات :)

    ممكن مزيج من لبن و عصير ليمون و مايونيز مع شوية دبس بندورة , و ممكن كمان عصير ليمون مع كركم , على اعتبار صار عندك كركم :zzz

  33. سارونات 16 September 2009

    السلام عليكم و رحمة الله و بركاته

    الخلطة الاولى ما فيني ساويها بس فكرة الليمون مع الكركم حلوة بس قديش حط :?

    و كمان فكرت بزيت زيتون مع فلفل اسود و شوية بابريكا شو قولك :?

    بالتوفيق
    سلام

  34. منى 16 September 2009

    و الله سارونات هلا ما عندي مقادير تمام , و الخلطة الي قلتي عليها فيك تعمليها مع الكركم و الليمون بتطلع , نممم ;)

  35. hajar 25 December 2009

    مسااااااااااالخير منى كيفك؟شوأخبارك؟
    اليوم جربتها وكالعادة متل كل وصفاتك طلعت طيبة كتير ونالت اعجاب الجمييع يسلمووووووو دياتك والله يخليلنا اياكي يارب
    ممكن ايميلك حابة اتعرف عليكي ونكون اصحاب اذا ماعندك مانع بليييييييييز قبلي انا بتشرف بصداقتك ويكون عندي اخت متلك ياملهمتي
    في امان الله ورعايته

  36. منى 26 December 2009

    الف الف صحة و هنا يا رب على البك اختي بكل لقمة , كتير انبسطت انها عجبتك و عجبت الكل ;)

    ممكن تبعتيلي على اتصل بنا لحتى اعرف ايميلك و انا رح ارجع و ابعت الك :zzz

    سلامات اختي

  37. Eman 22 January 2010

    السلام عليكم ورحمة الله وبركاته …
    شو أخبارك أختي الغالية منى؟؟
    من أسبوع كان عندي عزيمة وعملت الدجاج المحشي وعجب ضيوفي كتير ،والضيفة سألتني عن الطريقة بالانجليزي ،وما بعرف أترجملها ياها ..فهل ممكن
    آخدها من عندك إذا ما فيها غلبة ؟؟
    بدي أبعت صورة التطبيق بس ما بعرف كيف :?
    [img][IMG]http://i286.photobucket.com/albums/ll120/hodaleman/food/jaja.jpg[/IMG][/img]

  38. منى 22 January 2010

    اهلا و سهلا فيك امول و الف صحة و هنا على البك و الب ضيوفك , الحد لله طلعنا بيياض الوج ;)

    صورة التطبيق ممكن تحطيها بجروب لقمة طيبة على الفيس بوك و كمان ممكن تنزليها هون الي بيريحك , و الوصفة ما عندي ياها بالانكليش , ام سوري :roll

  39. بشرى 18 May 2010

    منمونة ,, السلام عليكم ..

    حابة إعمل هالوصفة كتير وبالأخص إني جايبة دجاجة كاملة … بس في نقطة ما فهمتا وهي كوبين الماء اللي مع الباقة العطرية ,, وين هدول بدي حطهن ؟ مع البهارات يعني ؟ ولا ويين ؟

    لا تواهذيني على أسئلتي الذكية بس بقى بتعرفي لبكة الفحص والضغط شلون بيكون ,, :)

  40. منى 18 May 2010

    هي منحطهن في الصينية مع بقية القصص لحتى تستوي الدجاجة من برة ;)

    موفقة يا رب , قلبي عندك بشورة

  41. hend kurabi 19 May 2010

    hi dear Mona,luv ur website!
    where r u and ur yummy recipes ?plz give more attention to ur internty son! ;)
    I wanna ask ,can I use Basmati rice instead the regular one?I wanna cook it this week
    thnx alot,

  42. منى 19 May 2010

    هلا هنودة :)

    لو تعرفي شو ضحكت , بس ابني مو ناقصة شي و جاييه اخ تاني قريب :grin

    فيك تستعملي الرز البسمتي , و طبخه بيصير اسهل ;)

  43. hend kurabi 19 May 2010

    oh congrats 7abibty. el new baby!!
    7awalina wla 3alina :grin
    anyway, what u mean itll be easier with basmati rice any special tips to cook it with basmati rice?! :?

  44. منى 19 May 2010

    لااااا فهمتيني غلط :roll

    امين يا ب حوالينا و لا علينا و الله يبارك بالي عنا

    ما في نصايح , ااقصد بانه اسهل لان شو ما عملتي فيه بيبقى حباته منيحة و ما بينخبص ;)

  45. بشرى 19 May 2010

    منمون بكرا رح إعملها عالغدا ولضيوف كمان .. خايفة ما تستوي الدجاجة منيح ,, أسلقها ؟ ولا بتستوي وبتنزل نيفة :grin

    رح انطر ردك حبابة :roll

  46. بشرى 19 May 2010

    منمون سؤال تاني , إذا بدي ضيف للرز بازلا .. نفس كمية المي بتكون ؟

  47. حنان 27 September 2011

    :? :? :cry :cry :cry :x

  48. منى 28 September 2011

    خير :x

  49. منى 28 September 2011

    بتستوي بشورة على ضمانتي و بتنزل نيفة و نفس كمية المي ;)

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)