براونيز بكريما الخمس دقايق السريةدجاجة كاملة بوزن 2 كيلو منظفة
ملعقة صغيرة ملح
نصف ملعقة صغيرة فلفل أسود مطحون
نصف ملعقة صغيرة قرفة مطحونة
نصف ملعقة صغيرة حب الهال مطحون
ربع ملعقة قرنفل مطحون ( مسمار )
ربع أو نصف حبة جوزة الطيب مبشورة طازج
2 ملعقة زيت
ربع كيلو لحمة أو كبد دجاج
كوب و نصف رز مصري منقوع
كوب و نصف ماء لطبخ الرز
مكسرات محمصة ( لوز و صنوبر و فستق )
- خلطة التحمير :
2 ملعقة كبيرة دبس فليلفة
نصف معلقة كبيرة سماق
فص صغير جداً من الثوم المهروس
عصير ليمونتين
- الباقة العطرية :
بصلة كبيرة مقطعة أرباع
جزرة كبيرة مقطعة حلقات
عود قرفة
2 ورق غار
بضع حبات هال
بضع حبات فلفل أسود
2 كوب ماء
• تخلط البهارات و الملح مع بعضها البعض , ثم تدعك الدجاجة بنصف مزيج البهارات من الداخل و الخارج جيداً و تترك لمدة 3 ساعات على الأقل لتأخذ نكهة البهارات .
• تقلى اللحمة أو كبد الدجاح بالزيت و تقلب حتى تنضج و يجف كل مرقها ثم تتبل بباقي البهارات و تقلب .
• يضاف الرز و يقلب لمدة دقيقة أو دقيقتان ثم يغمر بالماء و يترك حتى يغلي ثم يغطى القدر و تهدى النار و يترك حتى تمتص حبات الرز كل الماء , سيكون الرز غير مكتمل النضج .
• بعد أن يبرد الرز قليلاً يخلط بالمكسرات , أصبحت الحشوة جاهزة يحشى بها جوف الدجاجة و نبعد بلطف بين الفخذة و الجلد الذي يغلفها و نحشيه أيضاً ثم تغلق الفتحة بواسطة إبرة و خيط قطني سميك و تربط ساقا الدجاجة حتى يصبح منظرها جميل عند التقديم .
• تمزج مكونات خلطة التحمير حتى يتكون لدينا مزيج متوسط اللزوجة و يحمى الفرن على 180 درجة مئوية .
• توضع الدجاجة في صينية فرن و يدهن وجهها بخلطة التحمير ثم توضع كل مكونات الباقة العطرية في الصينية و تغطى الصينية بورق ألمنيوم بشكل محكم الإغلاق و تترك مدة ساعة .
• يرفع ورق الألمنيوم و تسقى الدجاجة بالعصارة ثم يتابع الشوي لمدة نصف إلى ساعة كاملة أو حتى تنضج الدجاجة و تحمر .
• تنزع الخيوط عن الدجاجة و ترفع من صينية الفرن و توضع في طبق التقديم و تقدم مع المزيد من الرز و السلطة أو مع الخضار السوتيه .
الصراحة اخت منى بيشهي بس كنت حابي احشي فريكة بدل الرز بس ماني مجربتها ولا مرة بالفروج وسمعت انها كتير طيبي بدي اعرف نفس طريقة
جزاك الله خير 
الرز او في تعديل
هلا ام نور
الطريقتيين طيبات و هدا حسب الزوق الشخصي
الطريقة نفسها
بتنقعي الفريكة بالمي لمدة ساعة تقريباً و ممكن نقعها بمرق دجاج إذا متوفر عندك بعدها بتصفيها منيح و بتقلي اللحمة أو الكبدة إذا بتحبي تستعمليه بالسمنة أو الزيت و بتقلبيها لحتى تنشف ميتها و تستوي ..
بعدها بضيفي الفريكة و بتقلبيها كم دقيقة و بالخير بتغمريها بالمرق المغلي , تقريباً لكل كوب فريكة يلزمك ما بين الكوب أو الكوب و نصف مرق و بتهدي النار لحتى تستوي الفريكة .
بالأخير بعد ما بردت الفريكة بتخلطيها بالمكسرات و بتحشي فيها الدجاجة
أي سؤال تاني أنا بالخدمة أختي
الف شكر على ثقتك وان شاء الله تعجبك :zzz
:grin جربت الفرخة المحشية النهاردة وبجد لذيذة جدا.لان وصفاتك ممتازة جدا وبتنجح معايا كنت عايزة اسال لو عندك طريقة لعمل البيتى فور اشياء العيد لانى جربت وصفات ولكن لم تعطينى نعومة البيتى فور التى اريدها.انا شاطرة فى عمل التورتات والكيك العادى بس مشكلتى مع البسكويتات :cry .معلش لو طولت عليكى وشكرا مرة تانية :grin
مية هنا و عافية مروة
بالعكس اختي لا طولتي و لا شي , رح نزل وصفتي للبيتفور قريب ان شاء الله 
مرحبا :roll
ياريت يااخت منى لوشي مرةتشرحيلي كيف بتقطع الجاجة حسب الاصول منشان الطبخ ياريت بالصور اذا في مجال انا بكون مشكورتك كتير
الله يعطيك العافية
ان شاء الله اختي
هي تاني طلب لطريقة تقطيع الدجاج , هلا مشغولة كتير كتير , بس ما أخلص رح نزل الطريقة ان شاء الله بالتفصيل و الصور 
هنا و الف الف عافية رنونة
هي وصفة مو سهلة و متل ما قلتي بدها شغل
طريقة تقديمك حلوة كتير و الورد على الطاولة بيجنن , يا ستي تتهمى حماتك فيك و الله يديم المحبة و المعروف :zzz
يسلمو ايديكي على هالطريقة …اجت حماتي من حلب مبارح وعملنالها كم اكلة وجربت الدجاجة لاول مرة يالطيف شو طلعت طيبة بس ماكنت حاطة احتمالات للنجاح ابدا لانه حسيتها وصفة صعبة بس الحمد لله طلعت بتبيض الوش كتير وهي الصورة …بس انا قمرتها شوي لانه بنحب الجلدة المقمرة
[img]http://file11.9q9q.net/local/thumbnail/88646515/600×600.jpg[/img]
السلام عليكم :zzz
وكمية الماء هذه بعدماتجف تمامابتكون نضجت تمام ولا غير مكتملة النضج وموأحسن اذا كانت ناضجة تماما للضمان 
الاكلة روعة واكيد الطعم اروع انا من زمان مشتهية اعملها بس ماعم اتجرء بس هالمرة نويت بس عندي كم سؤال اذا مافيها ازعاج
انا قريت انو فينا نستبدل الرز بالفريكة بس النصف الباقي من البهارات اللي بينضاف للحمة بعد النضج ومن ثم للفريكة مارح يكون كتير ويضيع نكهة الفريكة لانهابالعادة مابدها كتير بهار :roll وكمية الفريكة والماء هي نفسها تبعيت الرز وهل تكفي للحشو فقط ام للتقديم كمان
واسفة كتير كتير لكتر الاسئلة بس لانو خايفة من الفشل :upset وشكرا جزيلا[B]null[/B]
هلا ريمو
و لو حبيبتي انا بالخدمة .
البهار بالاخير شغلة راجعة لزوءك , انا بحب نكهة البهار في الاكل و انت فيك تتحكمي فيه على مزاجك , المهم بهل الوصفة التتبيلة الي على الدجاجة ان ما تغيري فيها كتير
كمية المي للفريكة بتكتريها شوي يعني ممكن تضيفي أكتر من كوبين مي بشوي لكمية الكوب و نصف فريكة و الفريكة بتكفينا بس للحشوة .
إذا كانت الفريكة او الرز مستوية تمام و بعدها حشيتيها في الدجاجة رح تمتص من المرق و تخبص ما رح تطلع مفلفلة :roll
و لا يهمك يا قمر , انا تحت امرك و اي سؤال تاني من عيوني
:zzz شكرا كتير ياأحلى زوق على الرد اللي احلى من العسل وعنجد خجلتيني كتير :roll
انا انشاالله الخميس بدي جربها لانو بكرة مشغولة شوي ورح اعمل متل ماقلتيلي بالضبط واكيد رح قلك شو بصير معي.
سلام للحلو 8)
ان شاء الله ريمو
و يا رب تطلع طبة و تظبط معك
عم استنى رد منك
شكرا كتير كتير على الوصفة اللي بتجنن والله يبيض وجهك يارب صدقيني عم ادعيلك :zzz
لانها طلعت بتجنن وماتوقعت تطلع هيك ابدا من اول مرة وحتى زوجي كمان ماتوقع لانها مابيعملوها غير اللي عندن خبرة مو المبتدئين متلي بقى شكرا كتير لانو الفضل الك كمان عذبتك معايي :sigh
شكراوالسلام
و لو ريمو , ايه شو هل العذاب مو مستاهلة
ان شاء الله ريتو الف الف صحة و هنا و عافية على قلبك و قلب زوجك و كل العيلة الحلوة , كتيررر انبسطت انك جربتيها و نجحت معك و كمان عجبت الكل
الف شكر للدعوات و ان شاء الله الك متلها و اغلى أختي
مرحبا .لو تعرفي اني بقضي ساعات بقراءه الوصفات ومابمل . وبكره ان شاء الله رح جرب الدجاج المحشي .بس بتمنى انو تساويلنا الturkey.لانو من ايديكي اطيب وشكرا الك
ان شاء الله تجربيه و يكون على متل ما بتحبي
مية اهلا و سهلا فيك و هل الكلام بس من زووءك أختي , نورتي :zzz
حابه قلك شكرا على هالاكله الطيبه .انا بطبيعتي مابميل لاكل الدجاج بس هالاكله خلتني فكر بطبخات الدجاج.والله ماشبعت منها.يسلموا هاليدين يارب
الله يسلمك و يخليك , و الحمد لله انك حبيتيها و عجبتك
مية هلا اختي
مرحبا
وأخيرا إجى موعد تحضير دجاجتي الأولى.
قلتلك من قبل كنت ناوية حضرها مشوية مع الأعشاب العطرية بس لما جاوبتيني ونصحتيني بالدجاج المحشي غيرت رأيي فوراً وسمعت لنصيحتك.. يلي بأكدلك أكتر من مليون بالمية إنها بمحلها
حضرتها مبارح لضيوفي .. طار عقلن بالمنظر والطعمة والريحة وكل شي.. حتى رفيقتي قالتلي إني باكل لحمة من ورا ضهرن وإلا مستحيل يطلع معي الطبق بهل طيابة :grin
شكرا كتير منى.. أما ممنونة لأنو بصراحة من دونك كنت ما عرفت شو بدي اعمل لما يكون جايني ضيوف بدي اطبخ لحومات
هلا دالو حبيبتي
الف هنا و الف عافية على كل لقمة على قلبك و قلب ضيوفك , بتعرفي شو ضحكت لأن رفيقتك خبرتك انك بتاكلي لحمة :grin
الشكر الك دالو , ردودك دايما شافية و وافية و من التفاصيل الي بتحكيها بحس حالي كنت معكم و كان اكلتلي كم لقمة :zzz
شكلها شهي جدا وانا احبها ولكن اتردد دائما بتحضيرها ظنا مني انها تحتاج الوقت الطويل
ساجربها خلال ايام ان شاء الله
ولكن عندي رجاء وهو ان تضيفي مع الوصفات ما تحتاجه من وقت
وشكرا لك
هلا ام سيمى
ان شاء الله تجربيها لان وصفتها سهلة و ما بتاخد كتير شغل
تكرم عيونك على الوقت ان شاء الله رح حاول ضيف قصة الوقت على الوصفات , الف شكر الك للاقتراح
السلام عليكم و رحمة الله و بركاته
منووووووووووووووووووووش اشتقتلك كتييييييييير لا تواخزيني على الغيبة لان ما كنت بالبيت و لما جعت لقيت النت عطلان و ما رجع غير امس
رمضان كريم و تقبل الله صيامكم و قيامكم
اختي منى ان شاء الله بدي ساوي هالدجاجة بس بدي اعرف اذا فيني ساويها الصبح او الظهر و بعدين سخنها بينفع او لا يا ريت تقوليلي على الطريقة الصحيح من شان تظلها جديدة
بالتوفيق
سلام
لك وينك يا منظومة و الله استفقدتلك , الحمد لله على خير هل الغيبة , رمضان كريم
فيكي تحضري الحشوة و تحشيها , بس اتركي الخبز لقبل الافطار بتلات ساعات تقريباً , احسن ما تسخنيها , هيك وصفات طيابتهم و هنن من الفرن لسفرتك على طول
كل سنة و انت سالمة مرة تانية و الله يتقبل صيامك و طاعاتك
السلام عليكم منى انا من شوي حطيت الدجاجة بالفرن بقى غن شاء الله تزبط لأنو هادا هو الفطور لليوم ببقى بخبرك عن النتائج
شو؟ فطرتوا و الا كيف ؟
اهين منونة والله كنت حابة اخبرك عن النتائج إمبارح بس بصراحة إنشغلت وماقدرت ادخل على النت المهم يا ستي فطرنا إمبارح من الدجاج المحشي وعن جد كتييير كتيير طيبة ونالت إستحسان الجمهور يسلموا إيديك يا منى على هل الأكلة والله إنو إختيارك لإسم الموقع موفق عن جد لقمة طيبة والله يجزيك الخير يا رب
السلام عليكم و رحمة الله و بركاته
منووش بدي ساوي هالدجاجة بهاليومين ان شاء الله بس للاسف لساتني ما ساويت دبس فليفلة و ما عغندي سماق بقى بشو استبدلهن تحتى يطلع لون الدجاجة حلو :sigh
بالتوفيق
سلام
هلا gsm:)
ريتو هنا , ريتو صحة , ريتو عافية , ريتو كل شي حلو لكل مين داق منها
انا كتير مبسوطة انه عجبت الجمهور و خصوصا انه على الافطار , الف شكر الك لثقتك في و تجربتك وصفاتي
هلا سارونات
ممكن مزيج من لبن و عصير ليمون و مايونيز مع شوية دبس بندورة , و ممكن كمان عصير ليمون مع كركم , على اعتبار صار عندك كركم :zzz
السلام عليكم و رحمة الله و بركاته
الخلطة الاولى ما فيني ساويها بس فكرة الليمون مع الكركم حلوة بس قديش حط
و كمان فكرت بزيت زيتون مع فلفل اسود و شوية بابريكا شو قولك
بالتوفيق
سلام
و الله سارونات هلا ما عندي مقادير تمام , و الخلطة الي قلتي عليها فيك تعمليها مع الكركم و الليمون بتطلع , نممم
مسااااااااااالخير منى كيفك؟شوأخبارك؟
اليوم جربتها وكالعادة متل كل وصفاتك طلعت طيبة كتير ونالت اعجاب الجمييع يسلمووووووو دياتك والله يخليلنا اياكي يارب
ممكن ايميلك حابة اتعرف عليكي ونكون اصحاب اذا ماعندك مانع بليييييييييز قبلي انا بتشرف بصداقتك ويكون عندي اخت متلك ياملهمتي
في امان الله ورعايته
الف الف صحة و هنا يا رب على البك اختي بكل لقمة , كتير انبسطت انها عجبتك و عجبت الكل
ممكن تبعتيلي على اتصل بنا لحتى اعرف ايميلك و انا رح ارجع و ابعت الك :zzz
سلامات اختي
السلام عليكم ورحمة الله وبركاته …
شو أخبارك أختي الغالية منى؟؟
من أسبوع كان عندي عزيمة وعملت الدجاج المحشي وعجب ضيوفي كتير ،والضيفة سألتني عن الطريقة بالانجليزي ،وما بعرف أترجملها ياها ..فهل ممكن
آخدها من عندك إذا ما فيها غلبة ؟؟
بدي أبعت صورة التطبيق بس ما بعرف كيف
[img][IMG]http://i286.photobucket.com/albums/ll120/hodaleman/food/jaja.jpg[/IMG][/img]
اهلا و سهلا فيك امول و الف صحة و هنا على البك و الب ضيوفك , الحد لله طلعنا بيياض الوج
صورة التطبيق ممكن تحطيها بجروب لقمة طيبة على الفيس بوك و كمان ممكن تنزليها هون الي بيريحك , و الوصفة ما عندي ياها بالانكليش , ام سوري :roll
منمونة ,, السلام عليكم ..
حابة إعمل هالوصفة كتير وبالأخص إني جايبة دجاجة كاملة … بس في نقطة ما فهمتا وهي كوبين الماء اللي مع الباقة العطرية ,, وين هدول بدي حطهن ؟ مع البهارات يعني ؟ ولا ويين ؟
لا تواهذيني على أسئلتي الذكية بس بقى بتعرفي لبكة الفحص والضغط شلون بيكون ,,
هي منحطهن في الصينية مع بقية القصص لحتى تستوي الدجاجة من برة
موفقة يا رب , قلبي عندك بشورة
hi dear Mona,luv ur website!
where r u and ur yummy recipes ?plz give more attention to ur internty son!
I wanna ask ,can I use Basmati rice instead the regular one?I wanna cook it this week
thnx alot,
هلا هنودة
لو تعرفي شو ضحكت , بس ابني مو ناقصة شي و جاييه اخ تاني قريب :grin
فيك تستعملي الرز البسمتي , و طبخه بيصير اسهل
oh congrats 7abibty. el new baby!!
7awalina wla 3alina :grin
anyway, what u mean itll be easier with basmati rice any special tips to cook it with basmati rice?!
لااااا فهمتيني غلط :roll
امين يا ب حوالينا و لا علينا و الله يبارك بالي عنا
ما في نصايح , ااقصد بانه اسهل لان شو ما عملتي فيه بيبقى حباته منيحة و ما بينخبص
منمون بكرا رح إعملها عالغدا ولضيوف كمان .. خايفة ما تستوي الدجاجة منيح ,, أسلقها ؟ ولا بتستوي وبتنزل نيفة :grin
رح انطر ردك حبابة :roll
منمون سؤال تاني , إذا بدي ضيف للرز بازلا .. نفس كمية المي بتكون ؟
خير
بتستوي بشورة على ضمانتي و بتنزل نيفة و نفس كمية المي