خلطة زعتر حلب


         وصفة : منى                 2007/11/24                 23 تعليقات
خلطة زعتر حلب

·          يخلط السماق و الزعتر و القضامة و الكزبرة و الكمون و اليانسون و البطم ثم تحمص كل المقادير على نار هادئة , الفكرة من التحميص أن تنشف المقادير و يسهل طحنها , لذا لا يجب تحميصها لوقت إضافي .

·          تطحن المقادير مع الملح و ملح الليمون حتى تنعم تماماً , ثم تخلط مع السمسم المحمص .

·          أصبح الزعتر الحلبي جاهزاً , يحفظ في مرطبانات محكمة الإغلاق حتى وقت الاستعمال .

فكرة سريعة :

 ·          الكمية المذكورة فوق كمية هائلة , و يفضل إعداد ربعها أو أقل حسب حجم عائلتك .

·          يمكن إعداد خلطة الزعتر بكمية كبيرة و حفظها في البراد من دون خلطها بالسمسم , ثم يخلط جزء منها مع ما يناسبه من السمسم حسب الحاجة الاسبوعية للعائلة مثلاً . 

 





2000 غ سماق
1000 غ قضامة
1000 غ زعتر أخضر ناشف
250 غ كزبرة
200 غ يانسون
200 غ كمون
200 غ بطم
2200 غ سمسم محمص
ملعقة كبيرة ملح
ملح ليمون ما يعادل واحد بالمية من الخلطة





• يخلط السماق و الزعتر و القضامة و الكزبرة و الكمون و اليانسون و البطم ثم تحمص كل المقادير على نار هادئة , الفكرة من التحميص أن تنشف المقادير و يسهل طحنها , لذا لا يجب تحميصها لوقت إضافي .

• تطحن المقادير مع الملح و ملح الليمون حتى تنعم تماماً , ثم تخلط مع السمسم المحمص .

• أصبح الزعتر الحلبي جاهزاً , يحفظ في مرطبانات محكمة الإغلاق حتى وقت الاستعمال .


فكرة سريعة :

• الكمية المذكورة فوق كمية هائلة , و يفضل إعداد ربعها أو أقل حسب حجم عائلتك .

• يمكن إعداد خلطة الزعتر بكمية كبيرة و حفظها في البراد من دون خلطها بالسمسم , ثم يخلط جزء منها مع ما يناسبه من السمسم حسب الحاجة الاسبوعية للعائلة مثلاً .

  • وصفات تانية ممكن تعجبك


التعليقات

  1. Rino 25 November 2007

    الله الله يا منى ما شاء الله لا قوة إلا بالله رح قللك متل حلبي قديم مرة سمعتو من خالتي ( حلب الدست و أنت مغرفتها )
    يا هيك الشغل يا ولا بلا
    بس عندي كام إستفسار أولا لما دقتي الوصفة أكيد حسيتي بفرق كبير بالطعم بين الجاهز و اللي حضرتيه مظبوط
    اتنين منوين جبتي البطم و كيف بيكون شكلو
    تلاتة وين طحنتيهون عند العطار نفسو
    بس ما كون تقلت عليكي حبيبتي بس حسيت أنو الوصفة ممكن ترجعنا للنكهة الأصيلة اللذيذة للزعتر و اللي صعب تلتقا بها الأيام و هاي مسألة كتيربتهمني فمثلا أنا ما بستعمل أبدا بهارات جاهزة لأنو والدي الله يحفظو بياخد البهارات صحيحة و بيعملها بنسب خاصة و بيروح بيطحنهم عندالعطار حتى أنو الزلمة بيقللو لما بتجي بتطحن البهارات عندي بتصير ريحة المحل غير شكل حتى الزباين بيقولولو بدنا من هالبهار اللي عم تطحنو

  2. منى 25 November 2007

    هلا رينو :)

    من زمان القمر ما بان ..

    الله يجبر بخاطرك و يسلملي هل اللسان الي بينقط عسل 8)

    نجي على الأسئلة :

    [U]لما دقتي الوصفة أكيد حسيتي بفرق كبير بالطعم بين الجاهز و اللي حضرتيه مظبوط [/U]

    فرق كبير

    الزعتر حمصته على مرحلتين , أول وجبة الظاهر اني ما حمصتها منيح لهيك صار لونها على أخضر شوي ..

    أما الوجبة التانية حمصتها أكتر و صار لونها تمام ..

    و علبى كل مع الوجبتين ما احكيلك عن الريحة الي بتفتح النفس أو الطعم و النكهة الطيبة ..

    بيكفي انك عارفة شو حاطة بالزعتر ..

    [U]اتنين منوين جبتي البطم و كيف بيكون شكلو [/U]

    البطم دورت و سألت و هلك جوزي و هو عم يسأل لي عليه و ما كنا نلاقيه

    بعدها بالصدفة كنت رايحة لميسلون لحتى أشتري كتب من مكتبة الكتب المدرسية , شفت عطار اسم محله شيخ العطاريين و عنده لقيت البطم و أخيراً

    و هي أضفت صورة اله في الموضوع

    [U]تلاتة وين طحنتيهون عند العطار نفسو [/U]

    حاولت أطحن الزعتر عندي بالبيت , بس ما انطحن منيح و بقي فيه اشياء مو ناعمة , لهيك أخذه أبو الشباب و طحنه عند شي عطار

    و على فكرة أنا كمان ضد البهارات المطحونة , ما عدا الزنجبيل و الكركم , و الا الباقي كله بشتريه صحيح و بطحنه عندي

    ممم شهيتني أعرف طريقة البابا الله يخليه ;)

    مية أهلا و سهلا فيك رينو :)

    و لا بقى تغيبي كتير يا قمر

  3. Eman 28 November 2007

    ماشاء الله صار نظام الردود أسئلة وأجوبة :eek ؟ والله حسيت حالي داخلة على قاعة الامتحان، حالياأنا آخدة إجازة من الامتحانات لسنة ادعولي أنجح بدراستي وخلص موادي .

    يسلمو إيديك يا ست الستات على هالوصفة،بس أنا رأيي من رأي أبو زياد ليش عذب حالي وفي جاهز والحمد لله طيب وماشي حاله ،والصراحة صار عندي فضول جرب وصفتك الحلوة ،بس إنشاء الله لما أرجع على حلب.

  4. منى 29 November 2007

    :grin هلا ايمان

    ان شاء الله من الناجحين يا رب , و ترجعي بخير و أمان

    هلا انا على قولة ماما بحب عذب حالي , بس هي تجربة , و عن جد ايمان طلع مو صعب أبدا و كتير اطيب من الجاهز

    يلا ان شاء الله بترجعي لحلب و بتجربيه :)

  5. أم عباده 8 January 2008

    آآخ يا أخت منى لو بلاقي كل المكونات هون بألمانيا لنفذ الوصفة على الفور لانو الزعتر رح يخلص من عندي ولسه بدي شي سته شهور لأنزل على حلب
    بس المشكلة بدا أبو الشباب على قولتك يفضى يترجم المكونات للالماني وإن شاء الله يكون في بطم بألمانياوبعدين بتبدأ عمليه البحث بين المحلات العربيه والتركيه وأخيرا الالمانيه وإن شاء الله أجمع المكونات وأطحنهم بشكل ناعم قبل مايصير وقت سفرتي لحلب

  6. منى 9 January 2008

    يا ريت تجربيه أختي لأن عن جد مستاهل :)

    و البطم مو ضروري و أنا ما بقى استخدمه لما رح حضر الوصفة مرة تانية ;)

    ان شاء الله ترجعي سالمة و غانمة يا رب ;)

  7. kuwaiti_girl 7 February 2008

    مشكوووووره غاليتي

    هنا الزعتر الحلبي من اغلى انواع الزعتر ويضاف لها فستق حلبي مطحون.. وحابه اني اجربة
    بس ما هو القضامه؟؟ وهل اقدر استبدلها بشي اخر؟؟؟

    اسفه ولكن لاختلاف اللهجات لم اعرفها

  8. منى 9 February 2008

    لا و لا يهمك أختي , حبيبتي القضامة هي الحمص المحمص و المملح , ما بعررف شو ممكن يكون اسمها , أنا الصراحة مرة جربت أستبدلها بحمص عادي حمصته عندي في البيت بس ما طلع طيب :roll

    متل ما قلتي ممكن اضافة الفستق الحلبي , بس انا الوصفة هون نزلتها متل ما اخدتها تمام من أبو زياد ;)

  9. ام عمر 22 January 2009

    طيب اختي الزعتر هو الزعتر الاخضر الورق يلي بنجيبو من السوق ولا شو
    وتسلم ايدك مقدما :) :) :)

  10. منى 22 January 2009

    هلا ام عمر :)
    هو الزعتر الاخضر بس الناشف , و الله نبعتيني ان انا مو زاكرتها بالوصفة , الف شمر الك للتنبيه ;)

  11. Noora 5 March 2011

    تسلم أيديكي مدام منى على وصفة الزعتر جربتها وطلعت كتير طيبة وبدي أسألك على تتبيلة السوركة(شنكليش)نحنا طبعآ منشتري قريشة جاهزة وبعدين منتبلها بقى بدي منك المقادير المظبوطة لأني حابة ساويها بالبيت السنة بالعادة بشتريها جاهزة بعرف كترت أسألة عليكي عدم المؤاخذة

  12. منى 6 March 2011

    و الله نورا الشنكليش من الوصفات الي ما زبطت معي بالبيت شو ما حاولت فيها :roll بقى ما فيني فيدك

    صحتين و الف هنا على الزعتر , عوافي يا رب

  13. za mouna 16 May 2012

    السلام عليكم مدام منى . انا اليوم جربت اعمل خلطه الزعتر الحلبي كل مشي الحال بس طلع الزعتر فيو طعمه مرار و حموضه زايده كيف بقدر اصلحو برأيك تسلمي و الله الريحه عبقت في البيت كلو كتير شي بيشهي

  14. منى 17 May 2012

    و عليكم السلام و رحمة الله و بركاته :)
    هلا الحموضة ممكن يكون سببها نوعية السماق ممكن يكون مغشوش احيانا بملح الليمون , بس المرار ما فهمت من شو
    عدلتي شي بالمقادير ؟
    و من وين جبتي البطم

  15. za mouna 18 May 2012

    انا ما عدلت شي بالخلطه بس قللت القضامه و البطم ما جبتو لانو انا عايشه باميركا مافي بطم و لا من يحزنون بس هو انا قرأت عنو طلع من فصيله الفستقيات لهيك بيضوفوا على الزعتر فستق بس انا ما حطيت فستق هل يمكن الزعتر عطا شوي طعمه مرار او حمصتن زياده شوي مع انو طولت بالي كتير على التحميص وما تحركت من جنب المقلايه

  16. منى 19 May 2012

    خلص معناها الحموضة سببها انو انت غيرتي شوي بالمقادير فزاد الحمض , و المرار السبب الوحيد انو تكوني زدتي التحميص , و هو ما بده طولة بال , تحميصة خفيفة و سريعة ;)

  17. za mouna 19 May 2012

    تسلمي اخت منى و ان شاءوقت بعملو مره تانيه اخبرك بالنتائج. في عندي أقرباء كان الزعتر بيطلع معهن كتير احمر و بيشهي كنت اوقات اكلو عندن و انا صغيره بتعرفي شو ممكن يكون الو اسفه عذبتك معي

  18. نسرينa 3 October 2012

    بدي اسألك منى ليش ما حطيتي بزر متل بزر البطيخ والجبس وعباد الشمس

  19. نسرينa 11 November 2012

    بدي أسألك أخت منى نحنا منحمص البزر ومنطحنه ومنحطه للزعتر متل بزر البطيخ والجبس ودوار الشمس بقى أنتي معقول مابتحطي بزر

  20. ام عمر 17 February 2013

    السلام عليكم ورحمة اللة وبركاتة
    اختي العزيزة انا كتير بشكرك على هالوصفات الزاكية اللي اكتشفتها بموقعك متاخر لكن للاسف الموقع الرسمي والصفحة الرئيسية ما بطلع عندي ارجو من حضرتك تبعتيلي الموقع الرسمي لاكلاتك وشكرا

    • Mona 24 February 2013

      و عليكم أفضل السلام و أتم التسليم أختي ام عمر
      منورة الموقع و هاداو هو موقعي الرسمي , مية هلا فيك

  21. أم عمارة 4 February 2016

    السلام عليكم عزيزتي
    كتييير انبسطت اني أخيرا شفت الزعتر ومكوناته السحرية
    صار لي ٤٠ سنة إلا شوي باكل زعتر وما بعرف ايش باكل
    هلأ عرفت بس مو عالأخير
    لأني ما عرفت شو هو البطم ؟؟
    يا ترى له إسم تاني والا لأ ؟؟

    • منى 5 February 2016

      هلا حبيبتي :)
      هو هيك معروف جربي اسالي اهل البهارات بيدلوكي فورا

تقييم الوصفة
عاديةقد أحضرهاجيدةممتازةأكثر من رائعة (2 votes, average: 5.00 out of 5)