براونيز بكريما الخمس دقايق السرية
وصفة غريبة كتير و طعمتها ما بتشبه ايا شي دقته قبل بحياتي , بس كتير طيبة وجديدة و انا عني هل الوصفة لما بحضرها بتكون كمية بتكفي لشخص واحد متل حكايتي , نكهة البرتقال لما عم يتغلف بالصوص عطى حلاوة خفيفة مع مزة اللبمون و نعومة الافوكادو و قرمشة الشيبس صارت لقمة ما بتشبه ايا لقمة تانية , عن جد لقمة طيبةةة
جربت حطيت معها شوية جرجير اخر مرة بس ما كتير حبيته معها و مرة كمان جربت ضيف فيتا , طلعت كتير طيبة بس اضافتها اختيارية اذا متوفرة منيح اذا نو رح تبقى رائعة معها او بدونها .
بالصحة و الهنا
2 ملعقة كبيرة زيت زيتوٍن
ربع ملعقة صغيرة خردل
2 ملعقة كبيرة عصير ليمون
2 ملعقة كبيرة كزبرة خضراء
ملح
2 ملعقة كبيرة بصل , مفروم ناعماً جداً
1 حبة ناضجة أفوكادو
1 حبة كبيرة برتقال
جبنة فيتا , مكعب صغير مبشور ( اختياري )
• يمزج الزيت و الخردل و ملعقة كبيرة من عصير الليمون في طبق صغير , تضاف الكزبرة الخضراء و الملح و البصل و يترك الكل جانباً .
• تقشر حبة الأفوكادو و تقطع ثم تقلب مع باقي عصير الليمون حتى لا يتغير لونها , يقشر البرتقال و يقطع مكعبات ثم يقلب مع الصلصة و الافوكادو .
• تصب السلطة في طبق التقديم و توزع الفيتا على الوجه في حال استعمالها و تقدم مع رقائق الناتشوز .
-
وصفات تانية ممكن تعجبك
عل التجربة ان الله راد بس كتير الصحن حلوو من وين؟؟؟؟؟؟؟؟؟؟
تسلم ايديك
الله يسلمك ضحى
ان شاء الله تجربيها و تكون على زووءك
الصحون اخدتهم من شارع النيل من محل مغمور شفته بالصدفة , نزلت لاشتري بلوزة رجعت بصحون عواضها , كالعادة :grin
المكونات كلها متوفرة ما عدا الكزبرة الخضرا وفكرت جربها فورا شو رأيك بيمشي الحال بلا الكزبرة؟؟
تخيلي اول مرة ذقت الافوكادو ما حبيته ابدا كنت حامل وزوجي جبرني آكله لفوائده الصحية هالقصة من 18 سنة هلأ صايرة مغرمة فيه بطريقة غريبة وبعمله متبل بيطلع يمممم يممممممم اذا ما عندك وصفته بنزلك ياها
ويسلم اناملك على هالطبق الجديد
تسلم إيديكي …
بحب كثير وصفات الأفوكادو إلي بتنزليها لعدة أسباب ,,,,,
هالنوع متوفر بكميات كبيرة بس قليلة الوصفات إلي بيستخدم فيها أو بالأحرى قليلة الوصفات إلي بنعرفهاعنه, لأن هالنوع بيستخدموه الأجانب بكثرة وماعندهم أي مشكلة معه.
وقبل كنت أشتريه ويظل بضيافة البراد شهر قبل ماينطرد وينكب لأن ماكنت عارفة شو بدي أعمل فيه :grin
أما الحين صرت أنزل خصوصا لأشتريه لأعمل وصفاتك وصار من الضيوف المعززين المكرمين لأخر لحظة.
وفيه ملاحظة بس صراحة مش مجربة حتى ماأتحمل المسؤولية , بس مستقبلا يمكن أجرب :
أخوي راح مرة يحلق عند حلاق مغربي وشاف أكثر من شخص يسألوه عن نضارة بشرته الغير طبيعية,,
خصوصا مع الأجواء الحارة إلي تكون بالصيف وهموم وضغوطات الحياة , فخبرهم إنه يحط أفوكادو بس في المساء على البشرة فترةبسيطة وبعدين يغسل ، وتكون الحبة مستوية كثير يعني تقريبا غير صالحة للأكل وكل مرة ياخذ شي بسيط منها ويهرسه حتى ماتسود كل الثمرة ويخليه للمرة الجاية يعني نخلي القشرة وكأنها علبة تحفظ الباقي.
والله وحده أعلم…….
ومااتوقع مع وصفات لقمة طيبة إنه صار فيه مجال يظل فيه بواقي للبشرة أو حتى الشعر :grin
ألف شكر :zzz
هلا فروحة
هلا مرة جربتها من دون الكزبرة لان في كتير ناس ما بتحبها , قلت بلكي بتكون يمممي من دونها , بس طلعت عادية …
قصدك متبل مع طحينة و ليمون ؟ سمعت بالوصفة من شي حدا بس ما جربتها , بقى ممكن تعطينا طريقتك
هلا لاروش
قرات كمان مقالة انو لاحظوا السكان المحليين بشي منطقة باندونيسيا انو مجموعة من الكلاب ( اعزكم الله ) كتير شعرها ناعم و اله لمعة و بعدما راقبوها اكتشفوا انها متسلطة على حقلة أفوكادو و عم تاكل منها , بقى اكيد الها فائدة للشعر و البشرة
حبيت فكرة انو تستعمل شوي متل كريم , كتير هل الفكرة مفيدة و خصوصي انو احيانا ممكن تنتزع كم حبة , شكرا للمعلومة لاروش :zzz
ان شاء الله تجربيها و تكون على زوءك و رح استنى رايك حبيبتي
اليوم توفرت الكزبرة الخضرا و فرحت ان كل المكونات ما زالت موجودة
جربتها وطلعت ….مممممممممممممم عن جد اكلة غير شكل بصراحة ما كنت متوقعة شو هيكون طعم الكزبرة فيها لأن هي اول مرة بستعملها بطبق بارد او سلطة بشكل خاص بس عن جد ما بتحسيها كزبرة كأن ماهيتها تغيرت بسياق الخلطة
وطلعت اكلة جديدة خفيفة فيها تناغم غريب بين حلاوة البرتقال وملوحة الفيتا ونعومة الافوكادو وقرشة الشيبس مممم عن جد متل ما وصفتيها ما بتشبه شي ..
ابني طاااار عقله فيها وقال كلمة دارجة على لسانه هالأيام بيقولها لما شغلة كتير بتعجبه (ودايما بخانقه لما يقولها ) قاللي ماما بتشل (تعبير مجازي عن شدة الاعجاب) وطبعا ترك باقي الاكل وعوافي قضى عليها
رح عيدها بكرة عل وعسى الافوكادو يكونوا استووا اكتر شوي لأن اللي عندي لسا قاسية شوي
تعيشي وتعملي اكلات جديدة
هلا فرح
ما بتعرفي اديه انبسطت انك جربتيها , كان خاطرلي انو هل الوصفة رح تبقى نظرية و ما حيتشجع حدى على تجريبها , بقى شكرا كتير الك لان جربتيها و كمان صحة و هنا على الب ابنك :zzz