غواكامولي


         وصفة : منى                 2007/03/21                 6 تعليقات
غواكامولي

غواكامولي واحدة من أشهر الوصفات المكسيكية , حر و حامض و انتعاش كمان , و بعدها منقرمشهن برقائق التورتيلا , عن جد هادا هو النعيم , ممم

بالمكسيك بيستخدموا هاون حجري خاص , هيك مصنوع من حجر بركاني معين , و الاصول يتحضر فيها , طبعا انا ما عندي منه لهيك بدقه بالهاون العادي , و ممكن تهرسيه بالشوكة , المهم انو ما تخفقيه بمحضرة الطعام لحتى يبقى فيه شوية قطع و كمان مهم انو تحطيله ليمون فوراً لحتى ما يتغير لونه

بالصحة و الهنا

-المقادير:

3 حبة أفوكادو متوسطة الحجم ناضجة
حبة بصل أبيض صغيرة جداً مفروم ناعماً
فص ثوم ( اختياري )
حبة بندورة صغيرة مفرومة ناعماً
2 حبة فلفل أحمر أو أخضر حرّ منزوع البذور و مفروم ناعماً
3 ملعقة كبيرة كزبرة خضراء مفرومة
ملح خشن
نصف حبة ليمون حامضة
- طريقة التحضير :

• يوضع نصف البصل و نصف الفلفل الحر و ملعقتان من الكزبرة و الثوم في الهاون الحجري مع نصف ملعقة صغيرة من الملح و يدق حتى يصبح ناعماً .

• تقطع حبات الافوكادو إلى نصفين ثم تنزع بذورها و يؤخذ اللب باستخدام ملعقة ثم يضاف لمزيج البصل و الكزبرة الخضراء و يهرس بلطف حتى يصبح لدينا مزيج كريمي و بنفس الوقت فيه بعض القطع من الأفوكادو .

• يضاف باقي البصل و الكزبرة الخضراء و الفلفل الحر و يقلب الغواكامولي بلطف ثم تضاف البندورة و عصير الحامض و يعدل الملح حسب الذوق .

• يقدم الغواكامولي كطبق تغميس مع خبز التورتيلا المحمص .


• هذه صورة للهاون الحجري الذي يحضر به الغاكامولي



التعليقات

  1. DOUHA 5 August 2009

    باين عليها اكلة شيك كتيررر :zzz

  2. farah 3 February 2010

    تفاجئت من ايمت منزلة هالوصفة وما حدا منتبهلها :sigh
    بصراحة عجبتني وكنت عم دور على طريقة للأفوكادو غير طريقة المتبل اللي بعملها وشفت هالغواكامولي على فتافيت بس نسيت شو حطوا فيها مشكورة كتيييير يا عسل بأول حبة افوكا بجيبها بدي جرب هالوصفة

  3. semo 23 March 2010

    وأنا كمان تفاجئت كتير عم دور على وصفة افوكادو ومالقيت

    يسسلم هالديات الهي

  4. منى 24 March 2010

    ضحى سلام :)
    شيك و اكابر و شغلة بينحكى فيها . جربيها و ان شاء الله بتكوني مبسوطة

  5. منى 24 March 2010

    هلا فرح :)
    ان شاء الله تجربيها و تعجبك , عن جد يممممم و مستاهلة , رح استنى رايك

  6. منى 24 March 2010

    هلا سيمو :)
    ايه في كمان مفاجات و خصوصا بالوصفات القديمة , انت بس انكشي :grin

    يا رب تجربيها و تكون يمممي

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)