سلطة التونا بالطحينة


         وصفة : منى                 2012/10/06                 9 تعليقات
سلطة التونا بالطحينة

هي السلطة من سلطات أبو الشباب المفضلة , دقناها مرة في الغراند و بعدها صرت دوما حضرلوا ياها في البيت , و هي فكرة الطحينة مع الطون جديدة و تغير شكل .

هلا الي بيحب التوم بيقدر يضيفه للسلطة , انا لهل الوصفة ما كتير بحبه , بس انت بتقدري تضيفيه حسب زوء عيلتك . و في شغلة تانية , انا ما بحب التون لهيك كتير مرات بحضر الوصفة نفسها بالخس بس من دون التون , طعمتة الخس و الطحينة غرااام .

بالصحة و الهنا





حبة خس متوسطة , مغسولة و مقطعة لقطع كبيرة باليد
2 علبة طون بالزيت , مصفاة
نصف كوب , 125 مل , لبن
3 – 5 ملعقة كبيرة طحينة
2 ملعقة كبيرة زيت زيتون
عصير حبة ليمون , يضاف حسب الرغبة
ملح و فلفل أسود مطحون طازج
1 فص ثوم مهروس , اختياري






1 - يوزع الخس في طبق التقديم و فوقه ترتب قطع التونة .

2 - تقلب بقية المقادير في وعاء صغير حتى تتجانس , يضاف عصير الليمون حسب الرغبة .

3 - توزع الصلصة على التون و الخس و تقدم السلطة فوراً .



التعليقات

  1. ام نبيل 6 October 2012

    السلام عليكم
    كيفك منى شو اخبارك طمنيني عنك
    آه عم نشوف ونسمع اخبار عن حلب وسوريا عبتقطع قلبنا
    الله يكون معكم ويحميكم يارب
    يسلمو ايديك على افكارك الروعة انا بعمل سلطة تونة مع مايونيز
    وان شاء الله قريباً رح جرب هالسلطة
    يسلمن يارب

  2. laraye 6 October 2012

    عال تجربة هاليومين لأنو انا بقى من عشاق الطون :)
    منوش لازم اعترفلك انو من كم يوم لاقيت الباذنجان اللي خرج محشي البرغل
    و قررت أني انا كتير مشتهية عليه :grin
    و يا سلاااااااام طلع نغم
    طيب طيب طيب
    الله يخليلنا ياكي يا حق
    و كمان عملت الدجاج مع الأعشاب …كنت مجربتو من زمان بس نسيانتو
    و مع انو كنت مكترة الكمية بس خلصناه كلووو بنفس القعدة
    و رح اعيدو عن قريب جداً
    يسلموا

  3. ام ساره وسالي 10 October 2012

    أكيد رح تكون هالسلطة طيبة كتير بسبب اللبن والطحينة… أكيد أخف من المايونيز… شكراً لأفكارك الحلوة…

  4. Mona 11 October 2012

    و عليكم السلام ام نبيل :)
    الحمد لله انا من فضل رب العالمين منيحة , عن جد اد ما شفتي من بعيد حلب و سوريا عن قرب غير , شي بيحرق القلب , يا رب

    جربيها و ان شاء الله بتطلع يمم و على زوءك

  5. Mona 11 October 2012

    هلا لاروش :)
    ما بعرف ليش حسسني قلبي انو رح تحبيها لهل الوصفة من وقت ما حضرتها , خطرتي انتي ببالي :zzz

    عوافي يا قمر على كل الاشيا الي جربتيها و حبيتيها , ان شاء الله مطرح ما يسري يمري

  6. Mona 11 October 2012

    هلا ام سارة :)
    فعلا طيبة و خفيفة و تغير شكل , شكرا الك لمرورك الكريم

  7. ام مثنى 10 November 2012

    مرحبا منى كيفك شو اخبارك والله لو بتعرفي اديش ارتعبت لانو صار كم يوم ادخل على الموقع وبتطلع كتابة غير مفهومة وما بتطلع الوصفات وبعتت على الفيس بوك من بنتي راما اسال عن السبب بس ماوصلني رد وتم بالي عندك اكتر الت بس مايكون صاير شي للاهل بحلب لانو كلياتنه تمان بالنه عند ارايبين واخوانو لجوزي الله يحمي الجميع يارب واليوم فرحت كتير برجعت الموقع واخذت كم وصفة محتاجتا

  8. ام مثنى 10 November 2012

    مرحبا منى كيفك شو اخبارك والله لو بتعرفي اديش ارتعبت لانو صار كم يوم ادخل على الموقع وبتطلع كتابة غير مفهومة وما بتطلع الوصفات وبعتت على الفيس بوك من بنتي راما اسال عن السبب بس ماوصلني رد وتم بالي عندك اكتر الت بس مايكون صاير شي للاهل بحلب لانو كلياتنه تمان بالنه عند ارايبين واخوانو لجوزي الله يحمي الجميع يارب واليوم فرحت كتير برجعت الموقع واخذت كم وصفة محتاجتا

  9. Mona 15 November 2012

    هلا ام مثنى :)
    تسال عليك العافية يا قمر و تبقى بالف خير و الله لا يخلي بالك عند غالي
    المشكلة انحلت و صايرة ما عم ااقدر ادخل للنت متل قبل لهيك عم اتاخر :roll

    عوافي ان شاء الله على كل شي ناوية تجربيه ;)

تقييم الوصفة
عاديةقد أحضرهاجيدةممتازةأكثر من رائعة (2 votes, average: 3.50 out of 5)