فطيرة التفاح على الطريقة التركية


         وصفة : سها قمند                 2009/08/25                 29 تعليقات
فطيرة  التفاح على الطريقة التركية




½ كوب لبن
½ كوب زيت نباتي
125 غ زبدة ( إصبع واحد ) بحرارة الغرفة
¾ كوب سكر بودرة
1 ملعقة صغيرة بيكنغ باودر
2 ¾ كوب طحين

للحشوة :

من أربع إلى ست تفاحات حسب الحجم
4 ملعقة كبيرة سكر ناعم
1 ملعقة صغيرة قرفة
1 ملعقة صغيرة فانيليا
ثلث كوب جوز مفروم






• توضع مقادير العجينة في وعاء كبير و تعجن حتى الحصول على عجينة طرية و ناعمة ثم تقسم العجينة إلى قسمين يغلف أحد الأقسام بالنايلون و يوضع في الفريزر لمدة 45 دقيقة .

• في هذه الأثناء يدهن صحن بايركس أو أي صحن حراري قطره 23 سم بالزبدة و يوضع فيه القسم الأخر من العجينة و يمد براحة اليد مع رفعه على الأطراف و يترك جانباً.




• يقشر التفاح و يبشر و يخلط مع باقي مكونات الحشوة ما عدا الجوز و يرفع على النار مع التقليب إلى أن يجف الماء الذي خرج من التفاح عندها يرفع عن النار و يخلط مع الجوز و يترك جانباً لتهدأ حرارته .

• عندما يبرد التفاح يوضع فوق العجينة و يوزع بالتساوي .

• نخرج العجينة من الفريزر و نبشرها بمبشرة الجبنة و بلطف نوزع العجينة المبشورة فوق التفاح .

• يحمى الفرن على درجة 190 مئوية و يوضع الرف في منتصف الفرن .

• عندما يحمى الفرن جيداً تخبز الفطيرة لمدة 40 دقيقة أو حتى تصبح الأطراف ذهبية اللون .

• نخرج الفطيرة من الفرن و مباشرة نرش عليها سكر بودرة بواسطة مصفاة شاي صغيرة .
  • وصفات تانية ممكن تعجبك


التعليقات

  1. منى 25 August 2009

    مممم , الله يعطيكي الف الف عافية ام السوس , كتير الوصفة شكلها بيشهي و مو صعبة ..

    ريتو صحة على قلبك و قلب الضيوف يا قمر :zzz

  2. ام نور 26 August 2009

    رهيبة خصوصي انا بعشق الحلويات كمان رح جربا

  3. ام نور 26 August 2009

    عندي سؤال ام السوس بالعجينة اضفت نوعان زبدة وزيت ما فينا نحط نوع واحد مشكورة

  4. souha 27 August 2009

    هلا أم النور حبيبتي أنا مالي مجربة أستعمل بس الزبدة لحالها بس بخطرلي بصير هلأ طعمة الزبدة ره تطلع لأنو نص كمية الدهون زبدة فيك تجربيها متل ما هي أول مرة و بعدين بتغيري عل زوءك ;)
    سلام

  5. souha 27 August 2009

    هلا منونة يا ستي الوصفة سهلة و ما بتاخد وقت كتير :)
    بس منونة ممكن تضيفي جنب الزبدةكلمتين ( بحرارة الغرفة ) لأنو نسيت أكتبهاو الله يعطيك العافية
    :zzz

  6. منى 27 August 2009

    يلا هلا رح عدل الوصفة ان شاء الله ;)

  7. رنا 28 August 2009

    يالله شو بحب التفاح …شكلها كتير طيب يسلمو هالايدين بتشبه كاتو التفاح بطريقة منى بس طبعا الاختلاف بالعجينة هون
    بدي اسألك بيمشي حاله التفاح ا لحامض

  8. souha 28 August 2009

    هلا رنا كيفك
    إذا كان قصدك التفاح الأخضر يلي إلو مزة مو بس بيمشي الحال و بيركض كمان و بصراحة أنا بحب أعملها بهاد النوع من التفاح بس إذا مو موجود حسب المتوفر ;)

  9. رنا 2 September 2009

    هادا هوو الاخضر …عن جد كتير طيب …خلص رح جربها ;)

  10. منى 3 September 2009

    يا جماعة و الله فرط ريقي على سيرة الاخضر و الحامض , على فكرة هادا اكتر نوع بحبه من التفاح :roll

  11. haya 5 September 2009

    وااو يا اخت سهى تسلم ايدك على هالوصفة شكلها لذيذ على فكرة انا بعمل مثلها مع اختلاف المقادير طبعا وانا بعمل هالفطيرة هذه مرات بالتمر ومرات بالمربى وبتطلع كثير لذيذة على العموم تسلم هالايادي يارب

  12. cmax 5 September 2009

    السلام عليكم أخواتي
    الأكلات طيبين بس الأطيب الجمعة الحلوة :zzz :)

  13. soma 5 September 2009

    تسلم اديكي عالوصفة الحلوة والله جوزي صرله فترة جاية عباله فطيرة تفاح و أنا عم اتكاسل اعملها بس هلق عجبتني طريقتك و انشالله رح جربها
    أنا بعمل هالطريقة بس بدل التفاح بحط مربى كمان بتطلع رهيبة

  14. ris 5 September 2009

    شكرا من القلب للعزيزة منى على الاكل اللذيذ ;)

  15. ris 5 September 2009

    عن جد شي بيشهي بشكرك كتير اخت منى على هالوصفات :roll

  16. منى 6 September 2009

    هلا فيك ام روان :) شرفتي الموقع و نورتيه و انا الي بشكرك لتواجدك الطيب و اللطيف ;)

  17. souha 6 September 2009

    السلام عليكم
    كيفكن يا صبايا :)
    شكرا كتير على كلماتكن الحلوة و أنا كمان شي مرة رح جرب الفطيرة بالمربى و التمر ;) أكيد رح تطلع طيبة

  18. ris 6 September 2009

    سلام اختي الغاليه منى انا عضوه جديده عندكم بس متابعتكم مضبوووط :grin وخصوصا اني حبيت اسلوبك بعرض الوصفات وعن جد كلهن بيشهووو :p الله يديمك فوق راسنا يا احلى منى وشفت وحده من لاخوات بدها طريقة الكوردون بلو بس ما بعرف كيف فيني حطها عالموقع اذا ممكن تخبريني كيف

  19. منى 7 September 2009

    هلا ام روان :)
    هادا بس من زووءك اختي , و انت فيكي تبعتي ايا وصفة كرد عادي و انا رح انشرلك اياه اذا ربنا راد باسمك ;)

  20. DOUHA 17 October 2009

    هلئ هية بالفرن بخبرك شو بيصير
    بس باين تحفة
    يسلموا

  21. DOUHA 18 October 2009

    جربتا طيبة كتيررررر يسلموا

    شكرا منى + سها

  22. rela 23 November 2009

    ما المقصود باللبن هنا هل هو لبن الزبادي أم لبن ( حليب ) . مع الشكر

  23. souha 1 December 2009

    السلام عليكم
    حبيبتي المقصود باللبن بالوصفة هو اللبن الزبادي و يفضل يكون لبن زبادي بقري لأنو طعمو بيكون حلو :)

  24. شفاء 23 December 2009

    الله يجزيك الخير ياسهى وصفة رااااااائعة

    عملتها مرتين واليوم رح أعملها للمرة التالتة

    وكل مرة بعملها حلوان لشي حلو صار

      ;) بصراحة كتير عجبتني وعجبت كل العيلة

    الله يجزيك الخير

    وكل الشكر لمنى كمان لانها مابتقصر

  25. منى 24 December 2009

    ممم , الف هنا شفاء و لو تعرفي ام السوس بث حي و مباشر و لو كنت دقتي اكلاتها , كنتي مسكتي وصفاتها في الموقع واحدة واحدة و جربتيها على اد مو طيببة و دقيقة و متل ما الواحدة فينا بدها ;)

  26. souha 6 January 2010

    هلا شفاء :)
    انشاء الله ألف صحة و هنا على قلبك انت و العيلة و الله يديم المناسبات الحلوة
    ————–
    مرحبى منونة تسلمي هادا من بعض ما عندكم
    سلامي للجميع :zzz

  27. Mays 6 February 2010

    يسلم إيديكي يا سهى على هالفطيرة الرائعة.
    عملتها يوم الجمعة و كان عندي عزيمة و الضيوف كتير حبوها و انبسطوا عليها بس للإسف ما قدرت صور تطبيقي لإنو لوقت ما فتت جيب الكاميرا كانوا قسموها و صارت بالصحون و بالشوك و بالأفواه.
    و أحلى شي فيها إنها ممكن تتجهز قبل بوقت ، أنا عجنت العجين و مديت نصها بالصينية و حطيتها بالبراد و النص التاني بالفريزر و كما جهزت الحشوة و حطيتها بالبراد و تاني يوم طبقتها على بعضها و على الفرن دغري و ما أخدت معي أبدا وقت. :roll

    مرة تانية شكرا كتير ، و أكيد الشكر موصول لمنى اللي كانت سبب إنو اتعرفت على هيك صبايا بيجننوا و صرنا أكتر من إخوات. :)

  28. souha 7 February 2010

    هلا ميس :)
    ريتو صحة و هنا على قلبك أنت و الضيوف ;)

  29. هبوبة 4 June 2012

    [تسلم ايدك
    وزصفة رائعة
    ان شاء الله اجربها

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)