براونيز بكريما الخمس دقايق السرية
كريم الثوم بدون بيض
ثلاثة أرباع كوب ماء
نصف ملعقة كبيرة كورن فلاور أو نشاء
5 فص ثوم
ملعقة صغيرة عصير ليمون أوربع ملعقة صغيرة ملح ليمون ( أو أكثر حسب الرغبة )
6 ملعقة كبيرة زيت عادي
القليل من الملح
• يذاب النشا في الماء و يوضع المزيج على نار متوسطة و يقلب بمضرب سلك حتى يسمك ثم يرفع عن النار و يترك حتى يبرد .
• يهرس الثوم مع الملح ثم يضاف لمزيج النشاء مع الليمون أو ملح الليمون و يقلب .
• يوضع المزيج في الخلاط و يضرب ثم يضاف الزيت ملعقة ملعقة مع الخفق بعد كل إضافة حتى يصبح المزيج ناعماً ثم يقدم فوراً أو يحفظ في البراد حتى وقت الحاجة .
الله يجزيكم الخير اختي منى انت والاخت تاج النساء لاني بالفعل ما ذكرتيه من مصاعب بعمل كريم الثوم ببداية الوصفة هي همي مع انه كان ينجح معي بس اكل هم عمله اما الان بوصفتك السهلة هذه رح تنحل كل المشاكل ومن بكرة رح جربها ان شاء الله واذا حبوها رح اعتمدها دائما خاصة واننا هنا بالغربة بيعتمدواهنا على المايونيز اكتر بطعامهم لذلك ما بلاقي بالسوق كريم توم جاهز الا بالنادر مومتل بحلب متوفر بكل محلات الاكل الجاهز وهيك بتلاقيني مضطرة احضره بالبيت والان هونت الامور علينا الله يسلم ايديك يا رب
اكيدة رح يعجبك ان شاء الله و ما بتسدقي شووو سهل
ان شاء الله يبيض وجهي ادامك و اكيدة رح تخبريني شو بيصير معك
يم يمي كريم توم بدون بيض بصراحة شغلة غريبة شوي علي لاني بعرف عدة طرق لكريم التوم وكلهم ببيض رح جربها وخبرك تسلم ايديك مسبقا وبدي اطلب طلب اذا مافي سئلأ اكلات الفروج بحسها قليلة شوي بدنا من تحت دياتك اكلة ظريفة متلك ,واه نسيت اقلك اني عملت امبارح كاتو البسيط وطلع نغم بس بصراحة ضميري عذبني منشان تلت قالب الزبدة وبدلو بنصف كاسة زيت نباتي وطلع كتير طيب شكرا عزيزتي منى طولت عليك
سلم هالديات يا حق ما في اطيب من كريم التوم حد الدجاج :p بتعرفي منى هالطريقة ماما من فترة عطتني ياها عالتلفون
واستغربتا خالي بيشتغل بمطعم
علم العيلة الطريقة وكتير عجبتون
بس هلىء اتشجعت اساويها لان طريقتك اوضح
منى حبيتي
يسلمو إيديك بس معلش تحمليني
شو مقدار الثوم
لو فيها تئلة دم
تحياتي
إيمان
هلا ام تسنيم:)
من عيوني حبيبتي و انا كمان مو نسيانة السمكة الحرّة , مشان الله لا تزعلي مني , ان شاء الله أحلى وصفات دجاج لعيونك الحلوة
صحة و هنا على الكيك , انا بالطريقة الي أخدتها كان فيها زيت عوض الزبدة بمقدار كاسة شاي صغيرة , بس انا استعملت الزبدة لان بحبها بالكيك اكتر , هلا المهم انه عجبك و ان اتهنيت باكله لان اهم الشي يكون الضمير مرتاااح :grin
انا بنبسط كتير بالردود الطويلة , يعني لاا طولت و لا شي , هلا ان شاء الله تجربي هل الكريم و يعجبك
هلا حبيبة قلبي ام نور
ان شاء الله تجربيها و تحبيها لان عن جد كانها جاهزة , و حتى بالوصفة الي انا شفتها كان مكتوب ثوم مطاعم البيك
يلا ان شاء الله انا بانتظار شو بيصير معك
و على فكرة الوصفة الي بعتيلي ياها على الايميل انا جربتها و نزلتها بالموقع , يمكن لسا ما شفتيها :roll
هلا إيمان
تم تعديل المقادير لان مقدار الثوم سقط سهوا
نورتي أختي و اي سؤال من عيوني
عزيزتى منى الله يعطيك العافية على هالكريم الثوم السهل والخفيف على الهضم اليوم نجح وحبوه عندي لانه خفيف مع اننا بحلب اعتدنا على الطبخات التقيلة يعني بتحسي انو كريم التوم بالبيض اتقل اما هذا ما بتحسي حالك متقلة بالاكل عموما كله طيب من تحت دياتك ووجهك ابيض دائما ان شاء الله والله يجزيك الخير لافادتنا بكل ما لا نعلم وبكل ما هو مفيد ولذيذ وسهل شكرا لك
هلا غيوثة
هنا و عوافي يا رب , كتير انبسطت انها عجبتك , بالفعل متل ما قلتي الواحد ما بيحس حالو ادايق بعد ما ياكل منها
الف شكر ليك على الدعوات و الكلام الحلو و ربي الك متله و اكتر
السلام عليكم و رحمة الله و بركاته
شو هالوصفة ما شاء انا ما كنت عرفو لكريم الثوم و كنت بتمنى لاقي شي بديل للمايونيزالله جازاك الله خيرا و جازى الاخت تاج النساء وصفة سهلة و بسيطة و اهم شي مبينتا خفيفة و ما فيها بيض بكرا ان شاء الله راح ساويابدي اسالك اختي منى فينا نحط بدال الزيت العادي زيت زيتون و هل يمكن استبدال المايونيز بكريم التوم بأي وصفة ازا هيك بيكون كتير منيح راح جربو و شوف كيف طعمتو
بالتوفيق
سلام
السلام عليكم و رحمة الله و بركاته
ساويتو الاسبوع الماضي و بينماكنت عم حطوبالعلبة بدا يجمد و هلا صار تير جامد حتى لو حركتو بيظلو هيك يا ترى هو هيك بيطلع او شو المشكلة و كمان طلعت فيه ريحة الثوم قوية شوي بدي اعرف ازا هيك بيطلع و ازا في شي طريقة نخفف من قوة الريحة
بالتوفيق
سلام
هلا أختي
ممكن تستعملي زيت الزيتون عوض الزيت العادي , بس زيت الزيتون نكهتخ قوية و رح تغلب طعمته على الوصفة , بأغلب الوصفات ممكن نستبدل كريم الثوم بالمايونيز متل الشاورما و الهمبرغر , بس بالسلطات لأ لان رح تصير الطعمة قوية كتير , هو رح يجمد و إذا حسيتيه جمد زيادة ممكن ترجعي تخفقيه بالخفاقة الكوكتيل و هو رح يرجع يصيرناعم , الثوم إذا حسيتيه انو كتير ممكن تخففي من الثوم المستعمل في الوصفة و هلا عم تقولي صار له اسبوع معناها الريحة اتركزت اكتر و اكتر , ممكن تستعملي 2 أو 3 فص عوض 5
أي سؤال تاني من عيوني
السلام عليكم و رحمة الله و بركاته
جازاك الله خيرا اختي منى و رمضان كريم و تقبل الله الصيام و الطاعة منا و منكم
بالتوفيق
سلام
أنا هلق قمت جربتها و عنجد طلعت بتجنن يسلموا اديكي اخت منى
هلا سارونات
و منا و منكم ان شاء الله صالح الاعمال
هلا سوما
الف عافية و صحة وهنا , كتير انبسطت انها عجبتك , ريتو عاافية يا حق
كتير دورت على طريقتها ومبسوطة كتير اني لقيتو هون ، جاري التجربة وان شاء الله بندعيلكم
يا رب ان شاء الله تزبط معك و تعجبك , انا عني معتمدتها من وقت ما جربتها
رح جربا اليوم ان شاء الله
بس مناي ليه مو حاطة الوصفة ضمن وصفات اساسية
فتل راسي عليها هههههههههههه
:upset
بس المهم شفتا
بخبرم شو رح يصير معي ان شاء الله
هلا ضحى
كنتي ابعتيلي ايميل ضغنون و انا بجيبها لعندك متل الحلويين و لا يفتل راسك , ما بعرف ليش مو حاططتها بوصفات اساسية , حسيتها مقبلات اكتر :roll
ان شاء الله تجربيها و تكون متل ما بتحبي و اطيب و انا عم استنى رايك
شكرا منى ياستي جربت كريم التوم وطلع روعة وسهل كتيررررر يسلموا
حرزت فتلة الراس ههههههههههه :upset
هلا ضحى
ما شاء الله اليوم الغدا عندكم عاامر , الدجاج مع هل الكريم بالتوم بيطلع كتيرر طيب , هنا و الف صحة 
يعطيكي العافيه انا اليوم جربت الكريم ثوم و عجبني كتيييييير عن جد ماشا الله عليكي كنت قبل اعمله مع بياض البيض بس خلص وداعا للهديك الوصفه ، بدي اتشكرك على هالوصفات الراءعه الي عن جد بتفيدنا النا اكتر شي لانه بالغربه . و اليوم كمان ساويت بون بون الزنجبيل كتير طيب بس كتير حد و اليوم قالتلي الماما انه مافيني اكل منه لانو انا حامل خساره انو مارح فيني اكل منه و مع هيك مرقتلي كم وحده ههههههههه.
الف الف هنا و صحة و عافية , بتعرفي ام ليال اديه انبسطت انك جربتي هل الوصفة بالذات على اد مو سهلة و بتبيض الوج
و كمان صحة على الزنجبيل , ما عندي فكرة عن انه بيناسب الحمل او نو , بقى اذا ما بيصير الله يرضى عليك بلاهلا , و لحتى ما بعذبك ضميرك انصحك انك تبعتي البنبونات كلهن لعندي , انا مشانك هاا :grin
منووووش النشا بودرة ولا لأ لاني بجيبو مو بودرة
و كم يوم بيبقى بالبراد
و ممكن نحطه بافريزر مدة أسبوع مثلا؟
النشا بجيبه بيكون كتلة بس لما بطالعه م الفريزر بيصير بودرة , و اذا مو متوفر ممكن تستعملي الكورن فلور
قصدك على النشا و الا الوصفة ؟
قصدي على الوصفة و النشا قصدي اللي بيجي كتلة و مندوبه بالمي أكيد هاد هو ما؟
اي هادا هو النشا .
الوصفة ممكن تحفظيها بالبراد حوالي اسبوع بالشتي و اقل بالصيف و ما بتنفع في الفريزر
مابدها بيض وبياض بيض ؟؟؟؟
لا
عفوا ماانتبهت انو مكتوب بالعنوان بدون بيض من شان هيك استغربت
بس أديش مدة صلاحيته
عجبتني هالوصفة كتير, يسلمو ايديكي, انا بأميركا دائما أحاول أن اعمل الأكلات اللي متعودين عليها من سوريا و كريم الثوم هو أحد هالوصفات, بيطلع رائع مع شاورما الدجاج..
جربناها هالوصفة وكتير طيبة يسلمو دياك مدام منى
صحتين و الف هنا و عافية يا رب
هلا ديما
اي اكيد الشاورما بلاه ناقصها شي , ان شاء الله تجربي هل الوصفة و تطلع تمام التمام
هلا فيوليت
يعني بيطول شي 4 او 5 ايام و كمان حسب الجو
يسلمن مدام منى انا جديدة هون بس والله لفت نظري كتييير الطبخ السهل واللذيذ
:p
هلا حبيبتي
ان شاء الله بتبقي معنا على طول و تجربي شي من الوصفات و يعجبوكي ..
هلا
يسلموا دياتك انا واولادي بنحب كريمة الثوم ولما بنروح لحلب مابتتصوري اديش بناكل منا جربت سويت نفس طريقتك بس طعم الثوم كان كتير قوي شو رايك عم افكرانو اشوي الثوم بالفرن برايك مايكون طعم الثوم اخف والف شكر وبدي كمان اسال كيف اكتب وصفات وين انزلها لاني حابة انزل وصفات للاستفادة منها
وصفة ممتازة سهلة وواضحة شكرًا لا ألك جربتا وكانت من انجح الوصفات وأسهل هون من اي وصفة تانية لعمل كريم التوم
شكراً ميرنا , شهادة بتعز فيها , الف الف هنا و مية صحة
مرحبا اشو يعني مضرب سلك؟!! شكرا
اهلا و سهلا
يعني الخفاقة متل الي ظاهرة بالصورة
ايا سؤال تاني من عيوني