كريم الثوم بدون بيض


         وصفة : منى                 2008/07/26                 44 تعليقات
كريم الثوم بدون بيض

كريم الثوم بدون بيض


ثلاثة أرباع كوب ماء
نصف ملعقة كبيرة كورن فلاور أو نشاء
5 فص ثوم
ملعقة صغيرة عصير ليمون أوربع ملعقة صغيرة ملح ليمون ( أو أكثر حسب الرغبة )
6 ملعقة كبيرة زيت عادي
القليل من الملح





• يذاب النشا في الماء و يوضع المزيج على نار متوسطة و يقلب بمضرب سلك حتى يسمك ثم يرفع عن النار و يترك حتى يبرد .
• يهرس الثوم مع الملح ثم يضاف لمزيج النشاء مع الليمون أو ملح الليمون و يقلب .
• يوضع المزيج في الخلاط و يضرب ثم يضاف الزيت ملعقة ملعقة مع الخفق بعد كل إضافة حتى يصبح المزيج ناعماً ثم يقدم فوراً أو يحفظ في البراد حتى وقت الحاجة .

  • وصفات تانية ممكن تعجبك


التعليقات

  1. غيث 31 July 2008

    الله يجزيكم الخير اختي منى انت والاخت تاج النساء لاني بالفعل ما ذكرتيه من مصاعب بعمل كريم الثوم ببداية الوصفة هي همي مع انه كان ينجح معي بس اكل هم عمله اما الان بوصفتك السهلة هذه رح تنحل كل المشاكل ومن بكرة رح جربها ان شاء الله واذا حبوها رح اعتمدها دائما خاصة واننا هنا بالغربة بيعتمدواهنا على المايونيز اكتر بطعامهم لذلك ما بلاقي بالسوق كريم توم جاهز الا بالنادر مومتل بحلب متوفر بكل محلات الاكل الجاهز وهيك بتلاقيني مضطرة احضره بالبيت والان هونت الامور علينا الله يسلم ايديك يا رب

  2. منى 31 July 2008

    اكيدة رح يعجبك ان شاء الله و ما بتسدقي شووو سهل ;)

    ان شاء الله يبيض وجهي ادامك و اكيدة رح تخبريني شو بيصير معك :)

  3. omtasneem 1 August 2008

    يم يمي كريم توم بدون بيض بصراحة شغلة غريبة شوي علي لاني بعرف عدة طرق لكريم التوم وكلهم ببيض رح جربها وخبرك تسلم ايديك مسبقا وبدي اطلب طلب اذا مافي سئلأ اكلات الفروج بحسها قليلة شوي بدنا من تحت دياتك اكلة ظريفة متلك ,واه نسيت اقلك اني عملت امبارح كاتو البسيط وطلع نغم بس بصراحة ضميري عذبني منشان تلت قالب الزبدة وبدلو بنصف كاسة زيت نباتي وطلع كتير طيب شكرا عزيزتي منى طولت عليك

  4. ام نور 1 August 2008

    سلم هالديات يا حق ما في اطيب من كريم التوم حد الدجاج :p بتعرفي منى هالطريقة ماما من فترة عطتني ياها عالتلفون

    واستغربتا خالي بيشتغل بمطعم
    علم العيلة الطريقة وكتير عجبتون
    بس هلىء اتشجعت اساويها لان طريقتك اوضح

  5. eamireh 2 August 2008

    منى حبيتي

    يسلمو إيديك بس معلش تحمليني
    شو مقدار الثوم
    لو فيها تئلة دم
    تحياتي
    إيمان

  6. منى 2 August 2008

    هلا ام تسنيم:)
    من عيوني حبيبتي و انا كمان مو نسيانة السمكة الحرّة , مشان الله لا تزعلي مني , ان شاء الله أحلى وصفات دجاج لعيونك الحلوة

    صحة و هنا على الكيك , انا بالطريقة الي أخدتها كان فيها زيت عوض الزبدة بمقدار كاسة شاي صغيرة , بس انا استعملت الزبدة لان بحبها بالكيك اكتر , هلا المهم انه عجبك و ان اتهنيت باكله لان اهم الشي يكون الضمير مرتاااح :grin

    انا بنبسط كتير بالردود الطويلة , يعني لاا طولت و لا شي , هلا ان شاء الله تجربي هل الكريم و يعجبك

  7. منى 2 August 2008

    هلا حبيبة قلبي ام نور :)
    ان شاء الله تجربيها و تحبيها لان عن جد كانها جاهزة , و حتى بالوصفة الي انا شفتها كان مكتوب ثوم مطاعم البيك

    يلا ان شاء الله انا بانتظار شو بيصير معك ;) و على فكرة الوصفة الي بعتيلي ياها على الايميل انا جربتها و نزلتها بالموقع , يمكن لسا ما شفتيها :roll

  8. منى 2 August 2008

    هلا إيمان :)

    تم تعديل المقادير لان مقدار الثوم سقط سهوا :x

    نورتي أختي و اي سؤال من عيوني

  9. غيث 3 August 2008

    عزيزتى منى الله يعطيك العافية على هالكريم الثوم السهل والخفيف على الهضم اليوم نجح وحبوه عندي لانه خفيف مع اننا بحلب اعتدنا على الطبخات التقيلة يعني بتحسي انو كريم التوم بالبيض اتقل اما هذا ما بتحسي حالك متقلة بالاكل عموما كله طيب من تحت دياتك ووجهك ابيض دائما ان شاء الله والله يجزيك الخير لافادتنا بكل ما لا نعلم وبكل ما هو مفيد ولذيذ وسهل شكرا لك :)

  10. منى 4 August 2008

    هلا غيوثة :)
    هنا و عوافي يا رب , كتير انبسطت انها عجبتك , بالفعل متل ما قلتي الواحد ما بيحس حالو ادايق بعد ما ياكل منها ;)

    الف شكر ليك على الدعوات و الكلام الحلو و ربي الك متله و اكتر

  11. سارونات 20 August 2008

    السلام عليكم و رحمة الله و بركاته
    شو هالوصفة ما شاء انا ما كنت عرفو لكريم الثوم و كنت بتمنى لاقي شي بديل للمايونيزالله جازاك الله خيرا و جازى الاخت تاج النساء وصفة سهلة و بسيطة و اهم شي مبينتا خفيفة و ما فيها بيض بكرا ان شاء الله راح ساويابدي اسالك اختي منى فينا نحط بدال الزيت العادي زيت زيتون و هل يمكن استبدال المايونيز بكريم التوم بأي وصفة ازا هيك بيكون كتير منيح راح جربو و شوف كيف طعمتو
    بالتوفيق
    سلام

  12. سارونات 29 August 2008

    السلام عليكم و رحمة الله و بركاته
    ساويتو الاسبوع الماضي و بينماكنت عم حطوبالعلبة بدا يجمد و هلا صار تير جامد حتى لو حركتو بيظلو هيك يا ترى هو هيك بيطلع او شو المشكلة و كمان طلعت فيه ريحة الثوم قوية شوي بدي اعرف ازا هيك بيطلع و ازا في شي طريقة نخفف من قوة الريحة
    بالتوفيق
    سلام

  13. منى 30 August 2008

    هلا أختي :)
    ممكن تستعملي زيت الزيتون عوض الزيت العادي , بس زيت الزيتون نكهتخ قوية و رح تغلب طعمته على الوصفة , بأغلب الوصفات ممكن نستبدل كريم الثوم بالمايونيز متل الشاورما و الهمبرغر , بس بالسلطات لأ لان رح تصير الطعمة قوية كتير , هو رح يجمد و إذا حسيتيه جمد زيادة ممكن ترجعي تخفقيه بالخفاقة الكوكتيل و هو رح يرجع يصيرناعم , الثوم إذا حسيتيه انو كتير ممكن تخففي من الثوم المستعمل في الوصفة و هلا عم تقولي صار له اسبوع معناها الريحة اتركزت اكتر و اكتر , ممكن تستعملي 2 أو 3 فص عوض 5

    أي سؤال تاني من عيوني ;)

  14. سارونات 30 August 2008

    السلام عليكم و رحمة الله و بركاته
    جازاك الله خيرا اختي منى و رمضان كريم و تقبل الله الصيام و الطاعة منا و منكم
    بالتوفيق
    سلام

  15. soma 10 February 2009

    أنا هلق قمت جربتها و عنجد طلعت بتجنن يسلموا اديكي اخت منى

  16. منى 10 February 2009

    هلا سارونات :)

    و منا و منكم ان شاء الله صالح الاعمال :)

  17. منى 10 February 2009

    هلا سوما :)
    الف عافية و صحة وهنا , كتير انبسطت انها عجبتك , ريتو عاافية يا حق :)

  18. TENDERNESS 15 July 2009

    كتير دورت على طريقتها ومبسوطة كتير اني لقيتو هون ، جاري التجربة وان شاء الله بندعيلكم

  19. منى 15 July 2009

    يا رب ان شاء الله تزبط معك و تعجبك , انا عني معتمدتها من وقت ما جربتها ;)

  20. DOUHA 20 July 2009

    رح جربا اليوم ان شاء الله
    بس مناي ليه مو حاطة الوصفة ضمن وصفات اساسية

    فتل راسي عليها هههههههههههه
    :upset
    بس المهم شفتا
    بخبرم شو رح يصير معي ان شاء الله :)

  21. منى 21 July 2009

    هلا ضحى :)
    كنتي ابعتيلي ايميل ضغنون و انا بجيبها لعندك متل الحلويين و لا يفتل راسك , ما بعرف ليش مو حاططتها بوصفات اساسية , حسيتها مقبلات اكتر :roll

    ان شاء الله تجربيها و تكون متل ما بتحبي و اطيب و انا عم استنى رايك :)

  22. DOUHA 21 July 2009

    شكرا منى ياستي جربت كريم التوم وطلع روعة وسهل كتيررررر يسلموا
    حرزت فتلة الراس ههههههههههه :upset

  23. منى 21 July 2009

    هلا ضحى :) ما شاء الله اليوم الغدا عندكم عاامر , الدجاج مع هل الكريم بالتوم بيطلع كتيرر طيب , هنا و الف صحة ;)

  24. em layal 21 December 2009

    يعطيكي العافيه انا اليوم جربت الكريم ثوم و عجبني كتيييييير عن جد ماشا الله عليكي كنت قبل اعمله مع بياض البيض بس خلص وداعا للهديك الوصفه ، بدي اتشكرك على هالوصفات الراءعه الي عن جد بتفيدنا النا اكتر شي لانه بالغربه . و اليوم كمان ساويت بون بون الزنجبيل كتير طيب بس كتير حد و اليوم قالتلي الماما انه مافيني اكل منه لانو انا حامل خساره انو مارح فيني اكل منه و مع هيك مرقتلي كم وحده ههههههههه.

  25. منى 21 December 2009

    الف الف هنا و صحة و عافية , بتعرفي ام ليال اديه انبسطت انك جربتي هل الوصفة بالذات على اد مو سهلة و بتبيض الوج ;)

    و كمان صحة على الزنجبيل , ما عندي فكرة عن انه بيناسب الحمل او نو , بقى اذا ما بيصير الله يرضى عليك بلاهلا , و لحتى ما بعذبك ضميرك انصحك انك تبعتي البنبونات كلهن لعندي , انا مشانك هاا :grin

  26. محبةالمصطفى ملك 13 May 2010

    منووووش النشا بودرة ولا لأ لاني بجيبو مو بودرة

    و كم يوم بيبقى بالبراد
    و ممكن نحطه بافريزر مدة أسبوع مثلا؟

  27. منى 14 May 2010

    النشا بجيبه بيكون كتلة بس لما بطالعه م الفريزر بيصير بودرة , و اذا مو متوفر ممكن تستعملي الكورن فلور

    قصدك على النشا و الا الوصفة ؟

  28. محبةالمصطفى ملك 17 May 2010

    قصدي على الوصفة و النشا قصدي اللي بيجي كتلة و مندوبه بالمي أكيد هاد هو ما؟

  29. منى 23 May 2010

    اي هادا هو النشا .

    الوصفة ممكن تحفظيها بالبراد حوالي اسبوع بالشتي و اقل بالصيف و ما بتنفع في الفريزر

  30. violet 4 July 2010

    مابدها بيض وبياض بيض ؟؟؟؟

  31. منى 4 July 2010

    لا

  32. violet 6 July 2010

    عفوا ماانتبهت انو مكتوب بالعنوان بدون بيض من شان هيك استغربت
    بس أديش مدة صلاحيته :?

  33. dimaKM 8 October 2011

    عجبتني هالوصفة كتير, يسلمو ايديكي, انا بأميركا دائما أحاول أن اعمل الأكلات اللي متعودين عليها من سوريا و كريم الثوم هو أحد هالوصفات, بيطلع رائع مع شاورما الدجاج..

  34. lalosh 21 October 2011

    جربناها هالوصفة وكتير طيبة يسلمو دياك مدام منى :)

  35. منى 22 October 2011

    صحتين و الف هنا و عافية يا رب ;)

  36. منى 22 October 2011

    هلا ديما :)
    اي اكيد الشاورما بلاه ناقصها شي , ان شاء الله تجربي هل الوصفة و تطلع تمام التمام ;)

  37. منى 22 October 2011

    هلا فيوليت :)
    يعني بيطول شي 4 او 5 ايام و كمان حسب الجو

  38. syrian girl 14 January 2012

    يسلمن مدام منى انا جديدة هون بس والله لفت نظري كتييير الطبخ السهل واللذيذ
    :p

  39. منى 17 January 2012

    هلا حبيبتي :)
    ان شاء الله بتبقي معنا على طول و تجربي شي من الوصفات و يعجبوكي ..
    هلا

  40. ام مثنى 11 June 2012

    يسلموا دياتك انا واولادي بنحب كريمة الثوم ولما بنروح لحلب مابتتصوري اديش بناكل منا جربت سويت نفس طريقتك بس طعم الثوم كان كتير قوي شو رايك عم افكرانو اشوي الثوم بالفرن برايك مايكون طعم الثوم اخف والف شكر وبدي كمان اسال كيف اكتب وصفات وين انزلها لاني حابة انزل وصفات للاستفادة منها

  41. ميرنا 20 April 2014

    وصفة ممتازة سهلة وواضحة شكرًا لا ألك جربتا وكانت من انجح الوصفات وأسهل هون من اي وصفة تانية لعمل كريم التوم

    • منى 20 April 2014

      شكراً ميرنا , شهادة بتعز فيها , الف الف هنا و مية صحة :)

  42. karam 8 December 2014

    مرحبا اشو يعني مضرب سلك؟!! شكرا

    • منى 8 December 2014

      اهلا و سهلا :)
      يعني الخفاقة متل الي ظاهرة بالصورة

      ايا سؤال تاني من عيوني

تقييم الوصفة
عاديةقد أحضرهاجيدةممتازةأكثر من رائعة (2 votes, average: 2.00 out of 5)