براونيز بكريما الخمس دقايق السرية
2 كوب حليب
نصف كوب سكر
3 صفار بيض
فنجان صغير طحين
فانيليا
رشة ملح صغيرة
قشرة ليمونة كاملة , الجزء الأصفر فقط
• يوضع كوب و نصف من الحليب على المنار مع قشرة الليمون و يترك حتى يغلي .
• يوضع الطحين و السكر و الفانيليا و رشة الملح و باقي الحليب البارد في وعاء زجاجي و يقلب بمضرب سلك حتى يتجانس .
• يضاف صفار البيض و يقلب على البارد بالمضرب .
• ترفع قشرة الليمونة من الحليب المغلي ثم يضاف على مزيج الصفار مع التقليب المستمر أثناء الإضافة حتى الانتهاء من كل الحليب .
• يرجع المزيج للنار و يترك لمدة دقيقتين مع التقليب المتواصل حتى الحصول على كريما ناعمة .
تترك الكريما حتى تبرد ثم تستعمل حسب الرغبة .
يسلم هالايدين منى
بس الصوره مو طالعه لا هون ولا بالصفحه الرئيسيه
منى بالمقادير مو ذاكره قرفه وذاكرتيها بالطريقه يعني يامنستخدم قرفه أو قشر ليمون ؟؟؟
انا اكتر بحب هالكريم وكنت اشتري الكلير بس كرماله شو طيب بس ماكنت لا اعرف اسمه ولا شلون بينعمل
شكرا كتير منى الله لايحرمنا منك ومن وصفاتك الرائعه وعالتجربه هاليومين ان شاء الله
الله يجزيك الخير منى والله انا ما بعرف اسوي هالحشوة هلق اتعلمتها من مصدر موثوق لذلك بتجرأوبعملها ان شاء الله الله يسلم ايديك يا حق
انا لما عملت كيك الفواكه اخدت وصفة الباتسيير من وصفة الفريزييه وتقريبا نفس الشي شكرا كتير منى بس هالموقع مابيطلعو صوره عندي :roll
هلا سلوفة
الصورة ظاهرة عندي , يا ترى المشكلة موجودة عند اخت تانية لحتى ارجع حمل الصورة :cry
القرفة خطا مطبعي , هلا بيتصحح ان شاء الله , و اذا الله راد و جربتيها ان شاء الله يعجبك
هلا غيوثة:)
ان شاء الله بتعمليها و بتحبيها , انا عني باكلها بالملعقة و ما فيني صبر استنى لتنحشى :grin
هلا نور:)
و عليكم افضل السلام و اتم التسليم , ان شاء الله بتجربيها و بتعجبك , بالفعل سهلة و مقاديرها كلها بالبيت
اختي هي غير الدريم ويب , هي حشوة اكتر و الكريم ويب للتغطية اكتر , اقصد تغطية الكيك
هلا رنونة
الف هنا على الكيك و الكريما مرة تانية ..
هلا رح ارجع حمل الصورة ان شاء الله :upset
الله يعطيكي الف عافية يامنى
ومثل ما قالت الاخت سلاف منشتري الكليركرمال
الكريماوبصراحةمن شي سنة عملت الكلير بس طلعت الكريماطمعتها بيض وفشلت معي :cry
فاذا ممكن يامنى تعطيناوصفةالكلير والله شهتينا عليه وبعدين انتي كريمة ونحن منستاهل :zzz ياجميل
تكرم عيونك اختي , بس على الموجة الطويلة لان صرت خجلانة من كل الوعود الي وعدتها من دون تنفيذ :roll لحتى الان
لا تخجلي ولا على بالك ايه الله يعينك انا عندي بنت وحدة وبوصل لاخر الليل هلكانة بقا انتي الحق معك ست بيت وشطورة ودورات واولاد وعزايم وولايم وموقع انترنت كمان كتر خيرك شو مالحقتي :grin
السلام عليكم ورحمة الله وبركاته
ازيك يامنى .. كنت عاوزة اسألك عن حلويات او جاتوهات بتتعمل باللبن المركز
أكيد عند فكرة مش كده؟؟
اكيد رح اجربها اكيد بتعرفي منى اليوم عملت شوربة العدس الاسمر التركية واحبوها كتير بس مع عصير الليمون مو مع الخل وكمان عملت ارز بكبدة الدجاج والخضار وكان لذيذ الله يجزيك الخير يا ربويسلمو ايديك
الله يعطيكي العافية والصحة يا رب بس سؤال صغير هل المقصود بالفنجان الصغير يعني يلي منشرب فيه القهوة التركي واذا ممكن تعطيني مقدار الطحين بملعقة الطعام وشكرا كتير ياحبيبة قلبي والله عم أخجل منك بس ما بحب أسأل حدا غيرك لأنو أكلك غير شكل ياست الستات :zzz
السلام عليكم
شو اخبارك ست منى ان شاء الله كل شي تمام :grin والله اشتقتلك واشتقت لاكلاتك الشهية :zzz عزريني على غيابي كنت مشغولة بالبيت والاولاد وتسلم ايدك :roll
هلا ميمو الله يعطيكي العافية
بظن ماما كانت تعمل هالكريمة بس ما كنت بعرف اسمها وصرلي فترة بدي اسألها كيف بتنعمل وعم بنسى واذ اجت الوصفة لعندي
بس سؤال ميموشو في وصفة بدها تفاح كتير زايد عندي تفاح وماعم بعرف شو بدي اعمل فيه
هلا رنونة
هادا بس من زووءك يا قمر و ربي يبارك بوقتي و وقتك و وقت كل الاخوات
هلا نهى
أكيدعندي و في بالموقع [URL=http://www.l2ma.com/content/view/352/2/]حلى المولتو[/URL]
[URL=http://www.l2ma.com/content/view/319/2/]تارت الجلاكسي[/URL]
[URL=http://www.l2ma.com/content/view/314/2/]تارت التمر[/URL]
ان شاء الله بنزل الك وصفات تانية
هلا غيوثة:)
الف هنا و عافية على قلب زوجك و عيلتك واحد واحد , و لو اتشجعت و جربتيها بالخل كانت عجبتك و طلعت تغير شكل :zzz
عزيزتي منى تسلك دياتك على وصفاتك لحلوة
بس بدي اسألك إذا حضرت هالكريما فيني أحفظها في البراد لمدة وأديش ممكن تبقى
والله يجزيك كل خير
هلا ميوسة
ايه بقصد فيه فنجان القهوة العادية و على المعالق بييطلعوا تقريباً 3 معالق كبار و معرمات
حبيبتي لا تخجلي , انا تحت الامر و بالخدمة دايما و الله
هلا ام علي
هلا با الزووء كله , الحمد لله المانع خير و رببي يديم العيلة كلها بالصحة و العافية و الخيرات الكتيرة يا رب
اله يسلمك و يخليك و انا بفضل الله منيحة الحمد لله
هلا نوارة
اكيد بتعملها لان نحشي فيها التارت و غيره ,
نوارة التفاح ممكن تعملي فيه كيك التفاح , ممكن تعملي تارت فيه بتخلطيه مع قرفة و سكر و زبيب و بتحشي فيه عجينة السابلية او التارت .
ما كتير عندي وصفات في الموقع للتفاح , ان شاء الله تعملي فيه كيك و يعجبك :roll
هلا ام هدى
ممكن تحفظيها بالبراد لمدة يوميين او تلاتة بس مو اكتر و الا ممكن تتغير طعمتها و تاخد من ريحة الاكل , اما في الفريزر فما بتنفع
شكرا كتير منى على هالوصفات يلي عنجد بتفك زنقة
حابة جرب اعمل هالكريم.. وعم فكر استخدمه على وصفة ليالي لبنان لأني ما كتير بحب الكريم شانتيه بحسه دسم كتير.. فـ شو رأيك.. بتزبط أو هـئ؟ :roll
ايه اكيد بتزبط , و ممكن كمان تخلطيها مع كريم شانتيه بتطلع بتاخد العقل , انا عني امن بخلطها باكلها بالمعلقة من دون حلويات على قد مو طيبة 8)
تسلمي يا منى.. والله ما في منك إنتي
بتعرفي شو.. أنا بحب فيكي شغلتين كتير..
أولا بحسك خدومة بدون ما تنتظري مقابل
وتانيا .. من كلامك بحسك على سجيتك.. بتتعاملي ببساطو وعفوية بدون ما تعقدي الأمور
وكمان هللو.. اليوم عم بطلع بكل مطرح 8)
بس شو بعملك.. معظم الوصفات يلي عملتها مبارح إلك فيها صلة من بعيد أو قريب
حضرت الكريمة مبارح وعملت فيها ليالي لبنان.. بس استبدلت الموز بفستق حلبي .. وطلعت بتجنن.. يمممم شو طيبة..
والكريمة.. يالطيف شو لذيذة.. خلطتها مع كريم شانتيه.. وأما شو طعمة.. ما بخبرك!!
واليوم بقيان شوية كريمة وعم يطلعوا بوجهي كل ما بفتح البراد وأنا عأساس رح إرجع للريجيم اليوم.. فـ شو.. عقوبة والله.
تسلمي منوش على الوصفة وعلى النصيحة
ايه شو هل الهنا الي انا فيه , بتعرفي دالو معزتك عندي و كذا رد باليوم منك معناها كتير عندي ..
هلا اول الشي كتير انبسطت ان امور عزيمتك مشيت كلها بسلاسة و خير , الواحدة مننا بتاكل هم العزيمة كتير و خصوصا مفاجات اخر لحظة
الف هنا و عافية على الكريما و متلك انا بعمل و الله بتلاقيني رح و جيت على البراد لحتى خلصها و ارتاح نفسيا بعدها :grin
سلام منى كيفك انشالله بخير
دووووووم يارب هالكريم كتير طيب ولذيذ ….خصوصي بقلب التارت والاكلير مرة جربت اعمل قالب كيك عملت كريب وصرت حط طبقة كريب طبقة كريم لوقت ماخلصت الكمية واخر طبقة حطيت صوص شوكولا الي على طريقتك بجد طلع واااااااو تحفة ومنظرو بيجننننن بس كنت عم اقرا التعليقات وحبيت فكرة مزج هالكريم مع الكريمة شانتيه والمرة الي جاي رح جرب هالكيك بهاالمزيح الكريمي الرائع …شكرا الك يا ملهمتي مع حبي واحترامي هاجر
بتعرفي منى الحلووو بموقعك انو لما بقرأ تعليقات الاصحاب بتحسي الكل عيلة وحدة انتي الي جامعتيون بحبك وكرمك وطيبة قلبك بتمنى اكون وحدة من هالعيلة الحلوة
بتعرفي منى الحلووو بموقعك انو لما بقرأ تعليقات الاصحاب بتحسي الكل عيلة وحدة انتي الي جامعتيون بحبك وكرمك وطيبة قلبك بتمنى اكون وحدة من هالعيلة الحلوة
بصير أحضره قبل كم يوم وأحطه بالفريزر
لا
هلا هاجر حبيبتي
ريتو الف صحة و هنا و عافية على قلبك بكل لقمة و الحلو الي وصفتيه شكله , يمممممم
شكرا كتير الك لثقتك في و لكل هل الكلام الحلو الي قلتيه و اتمنى اني كون قده , وعيلتنا حلوة لان الاخوات هون كلهم مذوقين و حلويين و طيوبين , متل حكايتك
هلا و صحة مرة تانية
عملت منه متل ماقلتيلي وحطيته بقلب الكاتو تبع عيد الميلاد
وحبوه كتير وكلن يسألوني شو حاطة بقلبه هي مو كريما
طريقته كتير سهلة رح أعمل منه دايما
يسلمن
تسلمي
يسلمو اديكي منوش،
بس بدي اعرف طريقة الاكلير اذا موجوده عندك
وشكرا كتير لهالاكلات الطيبة :roll
الله يسلمك عبير
لا و الله مو موجودة , ان شاء الله بعد فترة بنزلها
السلام عليكم منى انا كمان بدي الاكلير اذا فيكي ومشكورة سسسسسسسسلف
ان شاء الله رح نزل الاكلير اذا رب العالمين يسر خلال فترة قريبة , هلا واقفين شوي لان في مفاجأت على الطريق