كريم باتيسير


         وصفة : منى                 2009/04/07                 42 تعليقات
كريم باتيسير




2 كوب حليب
نصف كوب سكر
3 صفار بيض
فنجان صغير طحين
فانيليا
رشة ملح صغيرة
قشرة ليمونة كاملة , الجزء الأصفر فقط


• يوضع كوب و نصف من الحليب على المنار مع قشرة الليمون و يترك حتى يغلي .

• يوضع الطحين و السكر و الفانيليا و رشة الملح و باقي الحليب البارد في وعاء زجاجي و يقلب بمضرب سلك حتى يتجانس .

• يضاف صفار البيض و يقلب على البارد بالمضرب .

• ترفع قشرة الليمونة من الحليب المغلي ثم يضاف على مزيج الصفار مع التقليب المستمر أثناء الإضافة حتى الانتهاء من كل الحليب .

• يرجع المزيج للنار و يترك لمدة دقيقتين مع التقليب المتواصل حتى الحصول على كريما ناعمة .
تترك الكريما حتى تبرد ثم تستعمل حسب الرغبة .
  • وصفات تانية ممكن تعجبك


التعليقات

  1. سلاف 7 April 2009

    يسلم هالايدين منى
    بس الصوره مو طالعه لا هون ولا بالصفحه الرئيسيه
    منى بالمقادير مو ذاكره قرفه وذاكرتيها بالطريقه يعني يامنستخدم قرفه أو قشر ليمون ؟؟؟
    انا اكتر بحب هالكريم وكنت اشتري الكلير بس كرماله شو طيب بس ماكنت لا اعرف اسمه ولا شلون بينعمل
    شكرا كتير منى الله لايحرمنا منك ومن وصفاتك الرائعه وعالتجربه هاليومين ان شاء الله

  2. غيث 7 April 2009

    الله يجزيك الخير منى والله انا ما بعرف اسوي هالحشوة هلق اتعلمتها من مصدر موثوق لذلك بتجرأوبعملها ان شاء الله الله يسلم ايديك يا حق

  3. نور الأسلام 7 April 2009

    :) السلام عليكم كيفك منى يسلم دياتك يا رب انا من زمان حابه اعمل كريمه بالبيت وما كنت اعرف كيف وكتير فرحت لما شفتا هلا وكمان مكوناتها بسيطه ممكن يسعمل بدل دريم ويب لانو لسا ماجربت وصفات بالكريماويسلم دياتك مره تانيه ;)

  4. رنا 7 April 2009

    انا لما عملت كيك الفواكه اخدت وصفة الباتسيير من وصفة الفريزييه وتقريبا نفس الشي شكرا كتير منى بس هالموقع مابيطلعو صوره عندي :roll

  5. منى 7 April 2009

    هلا سلوفة :)
    الصورة ظاهرة عندي , يا ترى المشكلة موجودة عند اخت تانية لحتى ارجع حمل الصورة :cry

    القرفة خطا مطبعي , هلا بيتصحح ان شاء الله , و اذا الله راد و جربتيها ان شاء الله يعجبك

  6. منى 7 April 2009

    هلا غيوثة:)
    ان شاء الله بتعمليها و بتحبيها , انا عني باكلها بالملعقة و ما فيني صبر استنى لتنحشى :grin

  7. منى 7 April 2009

    هلا نور:)
    و عليكم افضل السلام و اتم التسليم , ان شاء الله بتجربيها و بتعجبك , بالفعل سهلة و مقاديرها كلها بالبيت
    اختي هي غير الدريم ويب , هي حشوة اكتر و الكريم ويب للتغطية اكتر , اقصد تغطية الكيك ;)

  8. منى 7 April 2009

    هلا رنونة :)
    الف هنا على الكيك و الكريما مرة تانية ..

    هلا رح ارجع حمل الصورة ان شاء الله :upset

  9. ام محمد 8 April 2009

    الله يعطيكي الف عافية يامنى :)
    ومثل ما قالت الاخت سلاف منشتري الكليركرمال
    الكريماوبصراحةمن شي سنة عملت الكلير بس طلعت الكريماطمعتها بيض وفشلت معي :cry
    فاذا ممكن يامنى تعطيناوصفةالكلير والله شهتينا عليه وبعدين انتي كريمة ونحن منستاهل :zzz ياجميل

  10. منى 8 April 2009

    تكرم عيونك اختي , بس على الموجة الطويلة لان صرت خجلانة من كل الوعود الي وعدتها من دون تنفيذ :roll لحتى الان

  11. رنا 8 April 2009

    لا تخجلي ولا على بالك ايه الله يعينك انا عندي بنت وحدة وبوصل لاخر الليل هلكانة بقا انتي الحق معك ست بيت وشطورة ودورات واولاد وعزايم وولايم وموقع انترنت كمان كتر خيرك شو مالحقتي :grin

  12. نهى 8 April 2009

    السلام عليكم ورحمة الله وبركاته
    ازيك يامنى .. كنت عاوزة اسألك عن حلويات او جاتوهات بتتعمل باللبن المركز :?
    أكيد عند فكرة مش كده؟؟

  13. غيث 8 April 2009

    اكيد رح اجربها اكيد بتعرفي منى اليوم عملت شوربة العدس الاسمر التركية واحبوها كتير بس مع عصير الليمون مو مع الخل وكمان عملت ارز بكبدة الدجاج والخضار وكان لذيذ الله يجزيك الخير يا ربويسلمو ايديك

  14. ميساء 8 April 2009

    الله يعطيكي العافية والصحة يا رب بس سؤال صغير هل المقصود بالفنجان الصغير يعني يلي منشرب فيه القهوة التركي واذا ممكن تعطيني مقدار الطحين بملعقة الطعام وشكرا كتير ياحبيبة قلبي والله عم أخجل منك بس ما بحب أسأل حدا غيرك لأنو أكلك غير شكل ياست الستات :zzz

  15. أم علي 8 April 2009

    السلام عليكم :) شو اخبارك ست منى ان شاء الله كل شي تمام :grin والله اشتقتلك واشتقت لاكلاتك الشهية :zzz عزريني على غيابي كنت مشغولة بالبيت والاولاد وتسلم ايدك :roll

  16. نوارة 10 April 2009

    هلا ميمو الله يعطيكي العافية
    بظن ماما كانت تعمل هالكريمة بس ما كنت بعرف اسمها وصرلي فترة بدي اسألها كيف بتنعمل وعم بنسى واذ اجت الوصفة لعندي
    بس سؤال ميموشو في وصفة بدها تفاح كتير زايد عندي تفاح وماعم بعرف شو بدي اعمل فيه

  17. منى 11 April 2009

    هلا رنونة :)
    هادا بس من زووءك يا قمر و ربي يبارك بوقتي و وقتك و وقت كل الاخوات :)

  18. منى 11 April 2009

    هلا نهى :)
    أكيدعندي و في بالموقع [URL=http://www.l2ma.com/content/view/352/2/]حلى المولتو[/URL]

    [URL=http://www.l2ma.com/content/view/319/2/]تارت الجلاكسي[/URL]

    [URL=http://www.l2ma.com/content/view/314/2/]تارت التمر[/URL]

    ان شاء الله بنزل الك وصفات تانية ;)

  19. منى 11 April 2009

    هلا غيوثة:)
    الف هنا و عافية على قلب زوجك و عيلتك واحد واحد , و لو اتشجعت و جربتيها بالخل كانت عجبتك و طلعت تغير شكل :zzz

  20. أم الهدى 12 April 2009

    عزيزتي منى تسلك دياتك على وصفاتك لحلوة
    بس بدي اسألك إذا حضرت هالكريما فيني أحفظها في البراد لمدة وأديش ممكن تبقى
    والله يجزيك كل خير

  21. منى 13 April 2009

    هلا ميوسة :)
    ايه بقصد فيه فنجان القهوة العادية و على المعالق بييطلعوا تقريباً 3 معالق كبار و معرمات
    حبيبتي لا تخجلي , انا تحت الامر و بالخدمة دايما و الله :)

  22. منى 13 April 2009

    هلا ام علي :)
    هلا با الزووء كله , الحمد لله المانع خير و رببي يديم العيلة كلها بالصحة و العافية و الخيرات الكتيرة يا رب ;)
    اله يسلمك و يخليك و انا بفضل الله منيحة الحمد لله

  23. منى 13 April 2009

    هلا نوارة :)
    اكيد بتعملها لان نحشي فيها التارت و غيره ,
    نوارة التفاح ممكن تعملي فيه كيك التفاح , ممكن تعملي تارت فيه بتخلطيه مع قرفة و سكر و زبيب و بتحشي فيه عجينة السابلية او التارت .

    ما كتير عندي وصفات في الموقع للتفاح , ان شاء الله تعملي فيه كيك و يعجبك :roll

  24. منى 13 April 2009

    هلا ام هدى :)
    ممكن تحفظيها بالبراد لمدة يوميين او تلاتة بس مو اكتر و الا ممكن تتغير طعمتها و تاخد من ريحة الاكل , اما في الفريزر فما بتنفع ;)

  25. dado 24 April 2009

    شكرا كتير منى على هالوصفات يلي عنجد بتفك زنقة ;)
    حابة جرب اعمل هالكريم.. وعم فكر استخدمه على وصفة ليالي لبنان لأني ما كتير بحب الكريم شانتيه بحسه دسم كتير.. فـ شو رأيك.. بتزبط أو هـئ؟ :roll

  26. منى 25 April 2009

    ايه اكيد بتزبط , و ممكن كمان تخلطيها مع كريم شانتيه بتطلع بتاخد العقل , انا عني امن بخلطها باكلها بالمعلقة من دون حلويات على قد مو طيبة 8)

  27. dado 25 April 2009

    تسلمي يا منى.. والله ما في منك إنتي
    بتعرفي شو.. أنا بحب فيكي شغلتين كتير..
    أولا بحسك خدومة بدون ما تنتظري مقابل
    وتانيا .. من كلامك بحسك على سجيتك.. بتتعاملي ببساطو وعفوية بدون ما تعقدي الأمور :)

  28. منى 25 April 2009

    :) هادا بس من زووءك و هي انا بحقيقتي عن جد و خصوصا الشغلة التانية :zzz

  29. dado 27 April 2009

    وكمان هللو.. اليوم عم بطلع بكل مطرح 8)
    بس شو بعملك.. معظم الوصفات يلي عملتها مبارح إلك فيها صلة من بعيد أو قريب ;)
    حضرت الكريمة مبارح وعملت فيها ليالي لبنان.. بس استبدلت الموز بفستق حلبي .. وطلعت بتجنن.. يمممم شو طيبة..
    والكريمة.. يالطيف شو لذيذة.. خلطتها مع كريم شانتيه.. وأما شو طعمة.. ما بخبرك!!
    واليوم بقيان شوية كريمة وعم يطلعوا بوجهي كل ما بفتح البراد وأنا عأساس رح إرجع للريجيم اليوم.. فـ شو.. عقوبة والله.

    تسلمي منوش على الوصفة وعلى النصيحة :)

  30. منى 27 April 2009

    ايه شو هل الهنا الي انا فيه , بتعرفي دالو معزتك عندي و كذا رد باليوم منك معناها كتير عندي ..
    هلا اول الشي كتير انبسطت ان امور عزيمتك مشيت كلها بسلاسة و خير , الواحدة مننا بتاكل هم العزيمة كتير و خصوصا مفاجات اخر لحظة

    الف هنا و عافية على الكريما و متلك انا بعمل و الله بتلاقيني رح و جيت على البراد لحتى خلصها و ارتاح نفسيا بعدها :grin

  31. hajar 17 May 2010

    سلام منى كيفك انشالله بخير :) دووووووم يارب هالكريم كتير طيب ولذيذ ….خصوصي بقلب التارت والاكلير مرة جربت اعمل قالب كيك عملت كريب وصرت حط طبقة كريب طبقة كريم لوقت ماخلصت الكمية واخر طبقة حطيت صوص شوكولا الي على طريقتك بجد طلع واااااااو تحفة ومنظرو بيجننننن بس كنت عم اقرا التعليقات وحبيت فكرة مزج هالكريم مع الكريمة شانتيه والمرة الي جاي رح جرب هالكيك بهاالمزيح الكريمي الرائع …شكرا الك يا ملهمتي مع حبي واحترامي هاجر

  32. hajar 17 May 2010

    بتعرفي منى الحلووو بموقعك انو لما بقرأ تعليقات الاصحاب بتحسي الكل عيلة وحدة انتي الي جامعتيون بحبك وكرمك وطيبة قلبك بتمنى اكون وحدة من هالعيلة الحلوة

  33. hajar 17 May 2010

    بتعرفي منى الحلووو بموقعك انو لما بقرأ تعليقات الاصحاب بتحسي الكل عيلة وحدة انتي الي جامعتيون بحبك وكرمك وطيبة قلبك بتمنى اكون وحدة من هالعيلة الحلوة

  34. violet 25 July 2010

    بصير أحضره قبل كم يوم وأحطه بالفريزر

  35. منى 27 July 2010

    لا

  36. منى 27 July 2010

    هلا هاجر حبيبتي :)
    ريتو الف صحة و هنا و عافية على قلبك بكل لقمة و الحلو الي وصفتيه شكله , يمممممم

    شكرا كتير الك لثقتك في و لكل هل الكلام الحلو الي قلتيه و اتمنى اني كون قده , وعيلتنا حلوة لان الاخوات هون كلهم مذوقين و حلويين و طيوبين , متل حكايتك

    هلا و صحة مرة تانية

  37. violet 7 August 2010

    عملت منه متل ماقلتيلي وحطيته بقلب الكاتو تبع عيد الميلاد
    وحبوه كتير وكلن يسألوني شو حاطة بقلبه هي مو كريما
    طريقته كتير سهلة رح أعمل منه دايما
    يسلمن

  38. عالم آخر 14 August 2010

    تسلمي

  39. abeer03us 23 February 2011

    يسلمو اديكي منوش،
    بس بدي اعرف طريقة الاكلير اذا موجوده عندك
    وشكرا كتير لهالاكلات الطيبة :roll

  40. منى 23 February 2011

    الله يسلمك عبير :)
    لا و الله مو موجودة , ان شاء الله بعد فترة بنزلها :)

  41. ام هادي 13 May 2012

    السلام عليكم منى انا كمان بدي الاكلير اذا فيكي ومشكورة سسسسسسسسلف

  42. منى 14 May 2012

    ان شاء الله رح نزل الاكلير اذا رب العالمين يسر خلال فترة قريبة , هلا واقفين شوي لان في مفاجأت على الطريق :)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)